— Pamatii, nanay, ang akon ginahunahona. Karon nag-abot gikan sa Espana ang anak ni anhing D. Rafael, nga manginmaayo subong sang iya amay. Hand, maayo, nanay, bwas kuhaon mo si Crispin, sukton mo man ang akon suhol kag isiling mo nga indi na ako magsakristan. Sa gilayon nga maayo ang pamatyag ko, pakigkitaan ko si D. Crisostomo kag pangabayon ko sa iya nga batunon niya ako nga manginbakero sang iya mga baka kag mga karabaw: tuman na ako kadako. Si Crispin sarang makatuon sa balay sang tigulang nga si Tasio, nga wala pagpanumbag kag maayo. nga wala gani pagpatihi sang kura. Ano pa ang kahadlukan naton sa pari? Mapamusmos pa nila kita sa aton imol na nga daan nga kahimtangan? Patihon mo nanay, ang tigulang maayo; makapila nga nakita ko sia sa sulod sang simbahan sang wala na didto sing tawo; nagluhod kag nangadi, mapati ka. Gani nga. nanay, mabiya ak6 sa pagkasakristan; diutay ang suhol kag ang makuha nga suhol makadto pa sa multa! Ang tanan nagpanumbunganon sang amo man. Mangin-bakero ako, kag sa pagsagod sing maayo sang itugyan sa akon, maluyagan ako sang tag-iya; ayhan itugyan pa nila sa aton ang isa ka gatasan nga baka nga makuhaan sing gatas; luyag gid ni Crispin ang gatas. Sin-o ang makasiling! Ayhan hatagan pa nila kita sing tinday kon makita nila nga maayo ako; saguron naton kag patambukon subong sang aton manok. Sa talon manguha ako sing mga bungangkahoy kag ibaligya nakon sa banwa, pati sang mga utanon sa aton talamnan, kag sa sini nga bagay makakwarta ki ta. Mabutang ako sing mga siod nga tiglapak sa pagdakop sang mga pispis kag mga singgalong. mangisda ako sa suba, kag kon magdakudako na ako mangayam ako. Sarang man ako makapamis-ak sing kahoy nga ibaligya ukon ihatag ko sa tag-iya sang mga baka, kag malipay naton sila. Kon makasarang na ako mag-arado, pangayiion ko nga tugyanan niya ako sing isa ka pikas nga duta nga tamnan ko sing tubo ukon mais kag indi . na ikaw magpanahl tubtob sa tunga’ng gab-i. May bag-o kita nga mga bayu sa tagsa ka pandot, makakaon kita sing karne kag dalagkb nga mga isda. Magapangabuhi kita nga hilway, sa tanan nga adlaw magakilitaay kita kag magakalaon kita nga tilingob. Kag sanglit nakasiling ang tigulang nga si Tasio nga si Crispin maayo sing ulo, ipadala naton sia sa Manila sa pagtuon; sakdagon ko sia nga ako mangabudlay: matuod bala, nanay? Kag mahimo sia nga doktor, ano sa imo?
