nahanungod sang mga pagtuluohan sa mga banwa sa Naaminhan
nga Europa: ini nga mga pagtuluohan ila sang mga hangaway.
mga mamalaybay kag mga mangangayam apang indi ila sang mga
pilosopo, kon gintipigan nila gihapon ang ila mga pagtuo kag
pad ang mga seremoniya, nga ginhimb nga kristohanon, apang
wala sila makabuylog sa ila mga guban sang pag-agaw sang Roma
bisan nakaluntad lamang sa kapitolyo: mga pagtuluohan sang mga
dampog nagkatunaw sa hingudtong ’ adlaw. Hand, ang mga
kristohanon sang nahauna nga mga dag-on wala pagpad sang
purgatoryo: nagkalamatay sila nga may malipayon nga pagsalig
nga magaatubang sila sa indi madugay sa Diwa. Ang nahauna nga
mga pari sang simbahan nga daw naghinambit sini, amo sanday
S. Clemente sang Alexandria, Origenes kag S. Ireneo, nga ay han
nadala sang pagtuluohan nga Zarathustrahanon, nga sadto nagluntad pa kag lumapnag sing maayo sa bug-os nga Sidlangan, sanglit
nabasahan naton sa tagsa ka tikang ang pagbadlong batok sa
pagkasidlanganon ni Origenes. Si S. Ireneo nagpamatuod sang
pagluntad sang purgatoryo sa kamatuoran nga kuno si Jesucristo
nakaunay sing (tatlo ka adlaw sa kaidadalman sang duta), tatlo
ka adlaw sa purgatoryo, kag ginhangop sa sini ang tagsa ka kalag
dapat mag-unay didto tubtob sa pagkabanhaw sang unod, labi pa
ngai sa sini nga Hodie mecum eris in Paradiso (karon mabuylog ka
sa akon
sa Paraiso) nagsupak sina. Si S. Agustin naghambal man sang purgatoryo, apang, kon sia wala pagkilala sang iya pag luntad, wala man sia pagpati nga indi ina matuod, nga sia nagbilang nga sarang sila makapadayon sa isa ka kinabuhi sang mga silot nga sa karon ginabaton naton tungod sang aton mga sala.
— Gatud ni S. Agustin! — Gasod ni D. Felipo — Indi pa sia ayawan sang ginaantos naton diri kag luyag niya ang pagpadayon!
— Gani subong sini ang lakat sang butang: ang iban nagapati kag ang iban wala. Wala’y sapayan nga si S. Gregorio nagkilala na sa iya de quisbusdam levibus culpis esse ante judicium purgato rius ignis credendus est6 wala sing pat-od nga nahanabb nahanu ngod sina tubtob sang tuig 1439, ukon sang walo ka gatos ka tuig sang ulihe, sang ang hubon sang Florencia nagpahayag nga dapat magluntad ang isa ka kalayo nga inogpaputli sa mga kalag sang nagkalamatay sa paghigugma sa Diwa, apang wala pa makaayaw sa
(6) De Quibusdam Levibus Culpis Esse Ante Judicium Purgatorius Ignis Credendus Est — Dapat patihon nga sa tagsa ka diutay nga sala may silot nga kalaye sa purgatoryo sa wala pa ong paghukom.
