- 95
— Wala na! —Sabat sang tawo sa tingog nga may lahog, — sa iya linubngan linubong ko ang isa ka babae sang isa ka semana.
— Nagabuang ka ayhan? —Pangkot sa iya sang suloguon.— Wala pa gani matuigi nga yadto ginlubong namon.
— Amo man gam! Madamb na nga binulan ang nagligad nga kinalkal ko yadto. Ang dakft nga kura ang nagsugb sa akon, agud dal-on yadto sa patyo sang mga insik. Apang sanglit mabugat kag sadto nga gab-i nag-ulan...
Ang tawo indi makapadayon; umisol nga bumatyag sing katahap sang makita niya ang huyog ni Crisostomo, nga dumamhag sa iya kag dinakop sia sa butkon kag binutong sia.
— Kag yadto hinimb nimo? — Pamangkot sang pamatan-on sa paningog nga indi masaysay.
— Indi kamo maakig, senyor, — sabat niya nga nangluspad kag nagpalangurog. — Wala ko yadto pag-ilubong sa mga insik! Maayo pa nga itagbong ko sa tubig sangsa mga insik, hambal ko sa akon kaugalingon, kag hinaboy ko ang patay sa tubig!
Tinungtong ni Ibarra ang duha niya ka inumol sa iya duha ka abaga kag tinulok niya sing madugay sa dagway nga indi maasoy.
— lkaw dili liwan kundi isa ka tawo nga wala'y palad!— Hambal niya kag tumaliwan gilayon nga linapakan niya ang mga tul-an, mga linubngan, mga krus subong sang isa nga nagbuang.
Pinikpik sang sepulturero ang iya butkon kag magkumod:
— Ang gamo nga mahatag sang mga patay! Ginbaston ako sang Daku nga Pari sang wala ko malubong sanglit nagmasakit ak6; karon ini diutay lang niya mabali ang akon butkon tungod nga ginkalkal ko. Amo ini ang mga katsila! Mabayaan ko pa ang akon palangakoan!
Si Ibarra madasig nga naglakat nga ang iya panulok natumod sa malayo; ang tigulang nga sulogiion nagsunod sa iya nga naghibi.
Ang adlaw buot na masalop; madamol nga mga gal-um nagkulap sa langit pa-Sidlangan; ang mamala nga hangin umuyog sang mga utbong sang kakahuyan kag pumaigot sang mga kawayan.
Si Ibarra naglakat nga wala’y kalu; sa iya mga mata wala magtulb ang luha, sa iya dughan wala maggwa ang bisan isa ka hibubun-ot. Naglakat sia subong sang may ginpalagyuhan, ayhan sa landong sang iya amay, ukon sa bagyo man nga naghilapit.
