Sa paghalit sa iya dinumilian sang militar, sa sugb sang iya asawa, nga wala sing maglagaw pagligad sang ikasiam ang takna sa gab-i. Si Da. Consolacion nagpakunokuno nga nakita niya ang kura, nga nagpahilum nga nagbayb sang pinya kag nagkalb sing sadok nga nitb, nga naglagaw sa managob nga mga takna sang kagab-ihon. Si Fr. Salvi nanimalos sa paagi nga balaan: sang makita niya ang alperes nga nagsulod sa simbahan, hipos nga sinugb niya ang sakristan nga takpan ang tanan nga ganhaan, kag sang ulihe sumaka sia sa walihan kag magsugod sa pagwali tubtob nga ang mga santos nagpiliyong, kag nagkumod sa iya — kon mahimb! — ang salampati nga kahoy sa ibabaw sang iya ulo, ang larawan sang balaan nga kalag. Ang alperes, katulad sang tanan nga bat-ulan, indi sa sina mabadlong: naggwa nga nanumpa kag sa gilayon nga sia makadakop sang isa ka sakristan ukon sang isa ka sulugudn sang kura, hunungon niya, hanuton, palampasuhon sia sa salog sang kwartel kag sang iya kaugalingon nga balay nga magatinlb. Ang sakristan sang iya pagkadto nga mabayad sang multa nga ginsukot sa iya sang kura tungod wala sia makasulod sa pagtatap sang iya hilikuton, nagpahayag sia sang mga kabangdanan. Si Fr. Salvi namati sing mahipos, kinuha ang kwarta, kag binuhian niya gilayon ang iya mga kanding kag mga karnero agud makahalab sa sulod sang lagwerta sang alperes, samtang nagpangita sia sing isa ka bag-o nga inogsermon nga labi pa kalawig kag makasabdong. Apang ini nga mga hitabo wala gid manginsablag agud nga, sang magkitaay sila sang ulihe, nagkumostahanay kag nagsugilanonay man gihapon sila sing mahamuot.
Kon tumulog ang bana sa pagkuha sang iya kahulugbon sa bino ukon maghinuragok kon udto kag si Da. Consolacion indi makapakig-away sa iya, hand mapungkb sia sa bintana nga ang iya tabakb yara sa iya baba nga nagbayb sing asul nga pranela. Sia nga indi makaantos sa mga pamatan-on, pasiplatan niya kutob didto sang iya mga mata ang lamharon nga mga babae kag yagutaon sila. Ini sila nga nahadlok sa iya, mabinublag kag indi makatungkaaw sang ila mga mata, dasigon nila ang ila tikang kag punggan ang ila pagginhawa; si Da. Consolacion may isa ka dak(i nga ugali: daw wala gid sia maapangespehos.8
Amo ini ang mga magbubuot sa banwa sang San Diego.
(8) Daw wala gid sia makapangespeho — Nga wala sia m-agsapak sang iya pagkalaw-ay.
