Taliwal^ niadtong mga handumanan nga nabanhaw sa iyang
panumduman, si Ibarra nagkanayon sa tingog mahinay:
—Bisan pa, jdili gayud! Una sa tanan, ang Yutang-Natawhan, ang Pilipinas, anak sa Espanya; una sa tanan, jang Inahang
Espanya! Kanang butanga dili gayud mahimong likayan, kana
dili makabuling sa akong Yutang-Natawhan, jdili!
Wala makapahibulong kaniya ang Ermita, kadtong balangay
nga kanhi may kabalayan nga pulos nipa, ug kardn, sa mga abo
niadtong mga balaya nga nangapaig sa kalayo, nanungha kadtong
mga balay nga pinintalan sa maputi ug bughaw ug inaptan sa
sin nga pinintalan usab sa mapula. Wala makalingaw sa iyang
mga mata ang balangay sa Malate bisan ang kuwartil sa kabalyeriya nga dunay mga kahoy nga tinanum sa atbang, ni ang mga
molupyb niadtong balangay, ni ang mga gagmayng balayng inaptag nipa nga salag sa mga langgam gitarok ilalum sa mga kasagingan ug kabungahan.
Ang salakyanan nga nagapadayon paglakaw makahinagbb
usahay ug laing salakyanan nga ginoyod sa usa kun duha ka kabayb, nga hiilhan kaayong tagagawas sa Manila tungud sa ilang
mga kasangkapan nga pulos binuhat sa abaka. Ang mamilino
molili sulod sa masinawng salakyanan nga iyang gihinagbb aron
pagtan-aw sa nagaluwan, ug unya mosaylo nga walay tingog ug
dili ngani moyukbb. Usahay ikasugat ang usa ka karomata nga
binuhat sa kahoy ug ginuyod sa usa ka kalabaw nga magaugtok
paglakaw taliwala sa halapad ug abugon nga dalan nga dinanagan sa masigang kahayag sa Adlaw. Duyog sa mamingawng
awit sa mamilino nga nagatungtong sa bukobuko sa kalabaw,
mabati ang maalingisig nga inigot sa mga ligid sa mabug-at nga
karomata; usahay usab madungog ang hinaganas sa usa ka bal
sahan nga magaaginod sa kaabogan kun kalapukan sa dalan. Sa
mga laguna nanibsib mga panon sa baka uban sa mga maputing
tabon nga namatog sa bukobuko sa mga hayop nga nanagkisapkisap, piyongpiyungon ang ilang mga mata, aron pag-usap sa balili
nga ilang nasibsib; sa unahan adunay mga kabayong baye nga
nanagdagandagan ug nanagluksolukso ug gilutos sa usa ka kaba
yong laki nga dunay ikog ug lambungay nga tag-as: mobihihi
kini ug unya ang mayukmok moulbo tungud sa kakusog sa iyang
mga patid.
— 64 —
Page:Noli-Me-Tangere-Cebuano-Visayano-ni-Jose-Rizal-1962-N719c.pdf/71
Jump to navigation
Jump to search
This page has not been proofread.
![](http://upload.wikimedia.org/wikipedia/commons/thumb/6/69/Noli-Me-Tangere-Cebuano-Visayano-ni-Jose-Rizal-1962-N719c.pdf/page71-964px-Noli-Me-Tangere-Cebuano-Visayano-ni-Jose-Rizal-1962-N719c.pdf.jpg)