—Apan ang mga bagyo ug mga unos diay?— nangutana ang usa ka prayle sa sinultihan nga mabiaybiayon;— dili ba kaugalingon sa usa ka Diyos ang pagtag-an niana?
—Bisan kinsang mananagat makatag-an niana!
—Kon ang mamunoan hungog ngani... sultihi ako unsa ang imong ulo kay asoyan ko ikaw unsa ang imong till! Ajian tan-awa unya ninyo kon dili ba ang mga higala maghinabangay gayud: ang mga mantalaan hapit sa mangayo nga itudlong obispo si pari Salvi.
Ug maobispo gayud siya! Magpanilap uroy!
—Motuo ba ikaw niana?
—Nganong dili man? Karong panahona, tungud sa bisan unsang butang walay hinungdan, buhaton ka nag obispo. May hiilhan bitaw akong usa ka pari nga tungud lamang sa usa ka butang labt pang walay hinungdan kay sa nabuhat ni pari Salvi, nahimo mang obispo: nagsulat ugod siya ug usa ka diyutayng basahon nga barot kaayo, diin iyang gipakita nga ang mga indio walay laing katakus kon dili alang da gayud niadtong mga butang buhaton sa kamot ug dili mistil hunahunaon... Psh! Butang karaan nga hisayran na sa tanan!
—Matuod gayud! Kanang daghang mga buhat nga baliko makadaut sa Tinuohan!— matud sa laing prayle;— kon ang mga mitra may mala ug makakita pa unta sa mga ulo nga ilang gitungtongan...
—Kon ang mga mitra mga butang pa untang kaugalingon sa Kinaiyahan,— midason ang laing prayle sa tingog nga pinaagi sa ilong,— Natura abhorret vacuum...¹
—Tungud niana ang mga mitra motaput gayud sa ilang ulo; ang pagkawalay sulod niini mosuyop kanila!— mitubag ang usa.
Kining mga butanga ug uban pa mady ginahisgothisgotan sa mga kombinto, ug dili na lamang namo iasoy dinhi sa among mga magbabasa ang ubang mga hulohisgot didto bahin sa politika, bahin sa mga butang diwan-on kun mahalanghalang alang sa isigkatawo. Dad-on namo ang magbabasa ngadto sa balay sa usa ka molupyo, ug sanglit sa Manila diriyot da man kamig mga kaila, mangadto kita sa balay ni Kapitan Tinong, kadtong tawong maabiabihon nga nagsamot ug dapit kang Ibarra didto
(1) Ang Kinaiyahan masilag sa mga butang haguka kun walay sulod. — P. sa Taghubad.
