sulti pipila ka pulong, ug unya milakaw nga nagduko ug
naghinay.
Oy! asa ikaw padulong?— gisinggitan siya sa tigulang;— dili kana many agianan padulong sa gula; agianan kana ngadto sa balay sa naghikog.
—Natulog gihapon kanang tawhana!— miingon ang directorcillo nga nagbiaybiay;— kinahanglan bubuan siya ug usa ka baldc nga tubig.
Ang mga tawo mibalik pagpangatawa.
Ang magbabaul mihalin sa dapit diin siya naulawan ug mipadulong sa simbahan. Didto sa sakristiya nangutana sa sakristan mayor.
—Natulog pa!— gisingkahan siya pagtubag;— wala ka ba masayud nga ang kombinto gitulis kagabii?
—Hulaton ko nga magmata siya. Gitan-aw siya sa mga sakristan nianang tinan-awan sa mga tawo nga nangaanad sa mangil-ad nga pag-amona sa ilang agaIon.
Sa usa ka suok nga mangitngit didto matulog ang bulhog nga nagabuy-od sa usa ka siya nga hataas. Ang iyang antiyohos gibutang sa agtang tipon sa iyang buhok nga tag-as ug mahinag; ang dughan nga nanghagsal ug dauton wala taboni ug nagsamot hiyakhiyak.
Ang magbabaul milingkod sa duol andam sa paghulat sa dakung pailub, apan nahulgan siyag kuwarta ug iyang giiwagan sa usa ka kandila sa ilalum sa siya nga gikatulgan sa sakristan mayor. Ang magbabaul nakakita usab mga bunga sa amorsiko sa kalsonis ug sa mga bukton sa sinina sa natulog nga nahigmata, nanglugod sa iyang bugtong kalimutaw nga maayo ug gikasab-an niya ang tawo nga nangiwag sa ilalum sa siya nga iyang gihigdaan.
—Magpamisa unta ako, senyor!— mitubag ang magbabaul aron pagpamalibad.
—Wala nay misa— miingon ang bulhog nga mihinay na pagsulti;— kon buut ka ugma na... Alang ba sa mga kalag sa Purgatoryo?
—Dili, senyor— mitubag ang magbabaul nga mitunol ug pisos sa sakristan.
