usá ka langit-langit adunay pipilá kanila nga nanagsulti, usá
niana kaila nato: mao kadtong tawo nga nagadamgo sa mga
doktor kun mananambal.
-Ang akong labing gikasub-an maó nga ang tulonghaan dili na matibawas!
-Kay ngano man?- nangutana ang nanag-alirong.
-Kay ang akong anák dili na mahimong doktor kon dili "carromatero" na lamang! Wala na, wala nay tulonghaan!
-Kinsay nag-ingón nga wala nay tulonghaan?-nangutana ang usa ka hungóg ug dakung husóg nga magbabaul, dagkúg mga apapangig ug diyutay ang ulo.
-Akó! Si don Crisóstomo ginganlan ug “plibastiero" sa mga paring maputi. Wala nay tulonghaan!
Ang tanan nanagtan-away. Alang kanila bag-o kadtong pulonga.
-Mangil-ad ba kanang ngalana?- nangahas pagpangutana ang hungóg nga magbabaul.
Ang labing mangil-ad nga ngalan aga takús ikabunyag sa usá ka kristiyanos sa iyang isig-kaingon!
-Labí pang mangil-ad kay sa "tarantado” ug “saragate”?
-Kaayo da unta kon maó na lamang kana! Kadaghan na akó nganli niana ug wala ngani mosakit ang akong tiyán bisan diyutay.
-Apan maarang-arang pa dagway kana kay sa "indio" nga pagayamyamon sa "Alferez".
Mibungiut pagsamót ang nawóng sa tawo nga amahán sa bata nga mahimo na lamang "carromatero"; ang usá mikalot sa ulo ug mihinuktok.
-Sa ingón niana, sama da diáy tingali kana sa "betelapora" nga lagmit natong hibatián sa baba sa tigulang asawa sa "Alperez". Labí pang mangil-ad kay niana ang pagluwa sa ostiyas
-Ang "plibastiero" labí pang mangil-ad kay sa pagluwa sa ostiyas sa adlaw nga Biyernes Santo- mitubag sa dakúng kaligdong. Nahanumdom pa dagway kamó sa pulong "ispitsoso" nga kon ingalan sa usa ka tawo igo na kaayo nga kining tawhana hinginlan kun ibalhog ba hinuon sa bilanggoán sa mga sibíl. Nan, ang pulong "plibestiero" labí pang mangil-ad. Kon
