—Moanhi ang Kapitan Heneral ug adto moabut sa balay ni Kapitan Tiyago! —nagkanayon ang pipilri sa mga nanambong sa pangaon, wala larnang maghunahuna nga dihli intawon nagapamati ang anak dalaga ug ang umagaron ni Kapitan Tiyago.
—Maayong pagkapili sa balay nga iyang sasak-an! —matud ni Ibarra. Ang mga prayle nanagtan-away; kadtong ilang mga tinanawan sa atb pa mao kini: “Ang Kapitan Heneral nagpagula na usab sa iyang binuang: giayran kita. Angayan gayud unta nga siya anhb moabut sa kombinto”; apan sanglit kini mao man ang hunahuna sa tanan, walay usi nga mitingog ug ang tanan minghilum.
—Kagahapon da ako nga nakabalita niana, apan wala pa gayud matino kon mahinayon ba siya pag-anhi —matud sa Alkalde.
—Nasayud ba ikaw, ginoong Alkalde, pipila ka adlaw mopuyb dinhi ang Kapitan Heneral? —nangutana nga nag-alindasay ang “alferez”.
—Wala ako matino niana; dili batasan sa Kapitan Heneral ang pagpasidaan sa buut niya buhaton. Aniiiy nangabut nga laing mga katud-kawat! Kadtong mga hatud-kawat gipadala alang sa Alkalde, sa “alferez” ug sa “gobernadorcillo”, nagtaho sa mab gihapong balita. Ang mga prayle nakamatngbn nga ang kura walay ha tud-kawat nga nadawat. —Ang Kapitan Heneral moabut karong ika 4 ang takna sa hapon, mga ginoo! —matud sa Alkalde sa dakung kaligdong; —may panahon kita sa pagtibawas sa atong pangaon sa dakung kalinaw sa buot!
Sa pagsulti niining mga pulonga, ang Alkalde nahisama kang Leonidas sa pag-ingon niya didto sa Termopilas: “Ka-rong gabii kita ug si Platon managsalo sa panihapon.”
Ang kulokabildo nahibalik sa iyang naandan nga kalinaw.
—Nakamatngon ako karon nga wala diay dinhi ang atong maayong laki nga magwawali! —misulti nga nagpanagana ang usa ka kawani, ambungan ug panagway, nga wala gayud magtingogtingog hangtud sa pagpangaon na ug nga niadto pa lamang higayona mosulti sukad sa buntag.
