tawo nga mituo kang Bathal^, nakaila sa iyang mga katungdanan
alang sa katilingban, usa ka tawo nga dungganan ug matarong,
dili gayud magahikog. Kining tanan gisulti ko sa walay lipodlipod, apan gililong ko ang uban nga ania sa akong hunilhuna, ug
tungud niini angayan nga imo akong pasalamatan, pari Damaso.
Ang tenyente mitalikod kang pari Damaso ug mipadayon pagsulti:
—Sa paghiuli ni pari Damaso sa lungsod nga iyang gikurahan, human dagmali ang alaut nga kuwadhutor, gipakalkal, niya ang lubong niadtong tawhana, gipahabwil ang minatay ug gipalubong ambut diin. Ang lungsod sa San Diego mihilum lamang sa dakung katalaw — diriyot da usab hinuon ang nasayud sa gibuhat sa pari. Ang alaut nga namatay wala gayud intawon bisan usa na lamang ka kadugb dinhi ug ang iyang bugtong anak atua karon sa Uropa; apan kining tanan miabut sa dalunggan sa Hal. Kapitan Heneral, ug, sanglit siya maayog kasingkasing, nangayog silot alang sa makasasali . . . ug si pari Damaso gibalhin ngadto sa usa ka lungsod nga labing maayo. Ma6 kana ang tanan. Kar6n. ambi sulayi kono paghan-ay kanang akong giasoy.
Ug sa pagkahuman niyag sulti, ang tenyente milakaw dayon. —Gikasubo kog dakfl ang paghisgot, bisan wala ko tuyoa sa buot, sa usa ka butang nakapahimangod kanimo, pari Damaso —matud ni pari Sibyla. —Apan kon ikaw nakabintaha sa pagbalhin mo sa laing lungsod . .
—iUnsay nakabintaha? <!Ang mausik sa pagsamot ug balhin . . . ang mga papel . . . ug ang mga . . . ug ang tanan nga mahawani? ... — mitubag nga nagkano-kono si pari Damaso, wala makapugong sa iyang labihang kalagot. Ngadto-ngadto ang tigum nahibalik sa kalinaw.
Adunay nangabut nga laing mga dinapit, uban kanila mao ang usa ka Katsilang tigulang, maambong ug pamayhon, kuyog sa iyang asawa nga Pilipinhon, tigulang na usab, pinakulong ang buhok, pinintalan ang nawong ug nagasaput sama sa mga babayeng Katsila.
Giabiabi sila sa kadaghanan. Si Doktor De Espadaria ug ang iyang asawa nga si Doktora Donya Victorina nanglingkod tipon sa ilang mga kaila. Pipila sa mga magsusulat sa mantalaan ug mga magpapatigayon nanaghimamatay didto ug uny^ nagpunay ug dangg^-dangga, nalibog ang ulo unsay ilang buhaton.
-12-
