- Matam-is ang kamatayon tungtúd sa kaugalingong yutà
- Diin higala ang ngatanan nga sa Adlaw ginaiwagan;
- Kamatayon ang hinuyohoy alang niadtong mga timawa
- Nga walay Yutang Natawhan, walay gugma, way inahan.¹
- Nahilum ang tingog, naundang ang awit, wala nay timik ang
alpa, apan ang mga kauban ni Maria Clara sa sakayan
nagapadayon gihapon pagpamati: wala gayud bisan usa nga mipakpak.
Sa mga mata sa mga dalaga milugmaw ang luha, si Ibarra daw
gigil-asan ug ang batan-on nga nagdala sa mga sakayan wala
maglihok ug mitutok pagtan-aw ngadto sa layo.
Sa kalit lamang nabati ang usa ka makabungog nga kasaba: ang mga babaye naniyagit ug nanampong sa ilang mga dalonggan. Mao diay si Albino nga mihuyop taman sa ginhawa sa sungay sa kalabaw nga sa tinagalog gitawag tambuli. Ang katawa ug kabanha mibalik na usab; ang mga mata nga ganina napuno sa mga luhii, karon mga malipayon na.
—iBuut ba ikaw nga mangabungol kami, irihis?—gisinggitan siya ni iya Isabel.
—jSenyora!—mitubag si Albino nga nagaligdong pag-ayo— nakadungog ako nga usa ka makaluluoy nga nagapuyo didto sa kadaplinan sa suba sa Rhin mihuyop sa trompeta ug tungud kay maantigo siyang mohuyop sa maong tulonggon, nakapangasawa sa usa ka dalaga nga dato ug talamdon.
—jMatuod kana: ang Trompetero sa Sackingen!—misagbat si Ibarra nga wala makapugong pag-apil niadtong kadasig sa mga hunahuna nga bag-ong nahibalik.
—idNakadungog kamo?—mipadayon si Albino—karon buut ako mosulay kon makakab-ut ba sa maong palad.
Ug gibalik niya paghuyop ang sungay sa labaw nga kaisgot
kay sa una, ug gipalabi niya pagdumol ang tulonggon sa dalonggan
sa mga dalaga nga nanagsubo pag-avo. Dayag na lang,
mibalik ang Kasaba ug diyutay; gipahilum siya sa mga inahan
ug giayo-ayog lusi ug hapak sa sinilas.
—jAray! jaray!—matud ni Albino nga mihapuhap sa iyang mga bukton.—jPagkalayo niadtong suba sa Rhin! ]Oh temporal
(1) Hubod m magbabalak Vicente C. Padriga. (P. sa Taghubad.)
