-Aduna kitay 3,500 ka pisos nga galastohon. Niining
sapia makahimo na kitág usá ka pangilin nga labí pang masad-
ya kay sa mga pangilin nga atong nakitá dinhi sa atong lungsod,
sa tibuók lalawigán ug hangtud sa mga lalawigan nga silingan.
-¿Tinuod?-matud sa mga tigulang;-ang lungsod sa A. nakatigum ug 5,000 ka pisos sa iyang pangilin, ang sa B. 4,000. ¡Kanâ pulós lamang hambug nimo!
-¡Pamatia ako ninyo, mga ginoo, kon dili ba kamó unyà manuo! mipadayon si Don Filipo nga walâ gayúd malubá.- Isugyot ko nga magpatindog usá ka dulaán sa taliwalà sa sawang. ug kiní gahinán ta ug 150 ka pisos.
¡Dili paigo ang 150 ka pisos; kinahanglan butangan 160!— mipakgang ang usa ka tigulang gahíág ulo.
-¡Isulat, G. Pangulo, 200 ka pisos alang sa dulaan! mii- ngón si Don Filipo.-Isugyot ko nga sabuton ang kapunongan sa mga magdudulà sa Tondo arón maghimo silág kalingawan sulod sa pitó ka gabii nga walay bugtò. Pitó ka gabiing dula ug tag 200 ka pisos ang gabii, mahimong 1,400 ka pisos: ¡isulat, G. Pangulo!
Ang mga tigulang ug mga batan-on nanagtinan-away: maó day walâ managlihók ang nangasayud sa lansis.
-Isugyot ko usab nga magpabuhat kitag dagkung mga kas- tilyo: ayaw kitá nianang mga sugáng sama sa anininpot ug nianang mga kastilyong gagmay ug magtuyoktuyok nga higug- maan sa mga batà ug sa mga dalaga.
Buút kami ug mga bomba ug mga kuwitis nga dagkù kaayo. Busa isugyot ko nga mopalít kitág 200 ka bombang dagkù nga tagurha ka pisos ang usá, ug 200 usab ka buók nga kuwitis dagkù nga sama gihapog bilí. Adto nato itugon sa mga mamumuhát ug kastilyo sa Ma- labón.
-¡Hum!-misagbat ang usa ka tigulang:-usá ka bomba nga tagurhaon lamang ka pisos dilì makalisang ni makabungól kanakò; kinahanglan kadtong tagutluón ka pisos. -¡Isulat ang 1,000 ka pisos alang sa 200 ka bomba ug 200 ka kuwitis nga dagkú! Ang mga tigulang walâ na makapugóng; pipilá kanila na- nindog ug nanagsabutsabut.
