James Southwold njambhit: ,,Engghi bhenḍer. Boelǎ lakar èlahiraghi sarta wa-towa èko'ijǎ, sabǎb eppa’ boelǎ ghi' bilan dhaddhi pandjǎgǎna alas anèko. Bhǎreng eppa’ adhingghǎl dhoennja, boelǎ sè aghǎntè pangghǎbǎjǎnna.”
Otja’na James Southwold bhoeroe plasdhǎ sadhǎjǎ ḍǎ’ Jakob Armitage. Jakob ampon kennal ḍhingèn ḍǎ’ Southwold; lantarannèpon kennal sapanèka: Southwold ghi' dhingèn dhǎddhi tokang djǎgǎna alas sarengngan ngèras dhǎddhi pangandjhoer, èkabhǎbǎ prènta Sang Radjhǎ, djhoeghǎ abǎ’na samangkèn anot ka Parlemmèn, mèlana Jakob pas tjè’ bǎdji’na ka James Southwold; dhimèn James Southwold bǎtekka djhoedjhoer sareng mantep ḍǎ’ Radjhǎ. Abǎ'na’ sè adhingghǎl Alas-anjar, asaddjhǎ aperranga, nolongana Radjhǎ. Mangka mangkèn abǎ'na sala ta’ nolongè Sang Radjhǎ, aboe-èmboe aperrang atatolong ka mosona Sang Radjhǎ sarengngan pas dhǎddhi djhǎddjhal. Pèkkèrra Jakob sapanèka: ,,Djhǎ’ sakènga James Southwold pagghoena bǎḍǎ èla'ḍinna’ bhǎi bǎn ta’ maso’ dhǎddhi bhǎlǎna Parlemmèn, ghoe ta’ abhǎghoesǎn? Ghi’ ngoḍǎna kana’ djǎrèja tjè' bettjè'na, èmanna satèja ma’ pas dhǎddhi djǎddjhǎl.”
Kapalana ḍoe-sarḍǎḍoe pas aḍhǎboe ḍǎ’ James Southwold: ,,Southwold, mon dhika lakar èlahirraghi sarta wa-towa èḍalem alas ko'ijǎ, danto dhika tao ongghoe ḍǎ’ ka kè'-lakkè’na djhalan èko'into. Satonto ollèa dhika nga’-ngènga’è, pola mè’ bǎḍǎ kennengngan, sè kèra kennèng èpangèlekkè orèag. Napè dhika tao, Southwold, è koimma pangongsèanna Karel?” James Southwold mator: ,,Boelǎ ènga’ bǎḍǎ settong tjora, djhǎoena ḍǎri Arnwood ra-kèra bǎḍǎ saprapat-eddjhǎm: èko'issa napè polè tjoma orèng kasorang ta’ ngènnènga ngongsè, sanarè orèng ḍoe kalè bhǎlǎ nèko bǎnnja’na, engghi ghi’ kaboewǎ' èkaghǎbǎj pangongsèan, sabǎb kennengngan ghǎnèko senḍhoeng.”
,,Mon bǎrinto bettjè’ èntar ko'assa bhǎi,” djǎwǎbbhǎ pangradjǎna.
,,Kennengngan ghǎnèko ghoe ta’ anḍi’na Beverley sè matè ètatta’ orèng è paperrangan neng-è Naseby ghǎrowa, ta’ engghit?”
,,Engghi, bhenḍer,” otja'na Southwold, Nalèka boelǎ bǎḍǎ èko'issa’, talèbǎt senneng, sabǎb segghoet ngènoman bir pan-bǎrǎmpan ghellǎs”
,,Maḍḍhhǎ djhǎ’ sa-sosaa, dhika bhǎkal ngènoma bir polè," otja'na kapalana, ,,sabǎb bir sè njaman enten ta’ toma èghǎbǎj saḍijǎ’ǎnna rèng-orèng djǎhǎt bhǎi, nangèng èjaḍhǎngngaghi kèja ka orèng, sè
