31
èpondhoet adjăl, sabelloenna na'-kana' sè kaempa tao njarè pangėdoepanna dhibi'. Bhender kanta Eduard rèja băngalan tor bilet pékkérṛa, nangeng abă'na ghi' ta' kennèng otjol, njarè kasap dhibi', apa polè adjăgă'ă tan-trètanna, sabăb ghi' ta' aomor pa' bhellăs taon kanan. Bărijă kèja Humphrey, paghi' towana kana' djrėja kennèng arep dhăddbi orèng bettjé', nangèng satėja ghi' paḍă na'-kana' kabbhi. Mon ḍă'rijă bettje' sengko' dhoeliă amola'ana djbar-ngadjhări pangataoan nè'-sakonė' kalabǎn tarongghoe bhăi, sabab bilǎ pangadjhărăn djrèja èntèngngaghi, tanto kana' djrèja di-boedina nemmo kalèr; parkara aghǎma so sèngko' èadjhărǎna kèja, sopadjă abǎ’na anḍi'a pangatako ḍă' Ghoestè Alla. Tang pamodjhi. sėjang malem mandhăr sengko bhǎlăka èparèngana landjhăng omor lemmo Ghoestè Alla, mè' ollè tao rok-morok na'-kana' rowa, doewǎ' otabă tello taonagghi', rassa sengko' kana' djrèja la ghǎmpang njarè èngonna. Bettje lagghoe' bhǎi sengko' ngabidhăna ngadjbări na'-kana' djǎrėja.”
Kalagghoeǎnna saamponna na'-kana' ko'ong sè kaempa marè asarapan sareng apangangghoej, sé bhersè, Jakob ladjhoe todjoe' è kamar aḍă'ǎn, sambi mokka' kètab Indjilallă, ngotja'ah na’-kanaʼ sè kaempa: Ba'na kabbhi taoa, molana bă'na èkèbă kanna', tako' ame' èlemmo doe-sardadoe sè koparat rowa; taḍă' kennengngan sè bettje' ghǎbǎj pangongsèanna bă'na, kadjhăbhǎ èḍinna', amarghă kennengngan rèja ngèrrem. Ijă doe-sardădoe djrėja s mate'ė kaina bǎ'na bǎn doe-sardădoe djrėja kėja sẻ ngobbhăr padhălemman Arnwood. Djhǎ' sakėnga bă'na satrétan ta' èkèbă'ǎ kanna', la mastė bǎ'na matė katonon kabbhi abhăreng so padhălemman djrèja, ta' boeroeng bă'na nemmo bhălăi. Molana bǎ'na satrétan ennengnga dijă, sampè' naghără tentrem; sarta bă'na djhǎ' ngangghoej njama Beverley polè, sabǎb tako' ètemmo lǎ-bhălǎna Parlemmèn; satėja njama djrèja so sengko' èghăntèana Armitage; sarta bǎ'na kodhoe apangangghoej kanţa ana'na padjăgăna alas ongghoeăn; bhărăng pa-apa sè parlo kodhoe lakonă dhibi', sabab bǎ'na satèja taḍă' sè ngaladhinana, bănnèan so ghi nalèkana băḍă è Arnwood. Lă, mara satèja băʼna paḍă'ǎ alalakon, sabab bilǎ kalakoan djrèja èkembhoeli, atambă dhămmang, kennèng padǎ'aghi so èn-maènan bhăi. Humphrey so lè-alè'na alalakona è bengko bhǎi dhălloe, sengko' ngadjhărăna Eduard nèngghăr mandjhǎngan bi' kèbăn laènna è alas. Bilă Eduard la pènter nèngghǎr, pas bă'na èadjhǎrăna.”
