Towan Kobǎsa ngandhika dǎlem ghălina: „Pa' ella, mon bărijă ta' katekkan sang saddjhâ."
Ta' abit towan pas molè'è maos soratta Eduard. Saamponna ghălina: „Sengko me tjè' ta' èddhebbhâ ka maksotta sorat rèja. Djhâdjhăl sèngko' atanja'a ka Patientia, pola abâ'na tao."
Towan Heatherstone ladjhoe adhikanè pottrana. Sareng ampon dăteng, towan pas adhâboe: „Bă'na apa la ngèding berta, djhâ' Eduard la ondhoer dări dinna'? Arèja abă'na adhina sorat ka sèngko'. Oddhi bătja patalètè, sabab bădă sabâgiăn sèngko sè ta ngartè ka kareppa. Pola Eduard la adjhărbăăghi ka bâ'na, mara sèngko' bălăi."
Katjatora Patientia sareng mèreng dhaboena ramana, saklangkong takerdjhâddhă; soratta Eduard pas ètampanè, sarta ladjhoe èbătja. Saamponna marè matja sorat ghăpanèka, abăʼna pas todjoe' doe'-nondoe' sambi nangès sèghoemen, adjhoekep ka tanangnga kadoeladjă; dhinèng soratta ghăgghâr ka pangkoanna, kantos bâttja sè kèngèng ètjaptjapè aèng tèngalla. Ta' abit ramana adhăboe polè: „Patientia, bă'na pola tao sabâbbhă, arapa Eduard Armitage ma' njèngghă dări dinna'?"
Patientia ta' tor-mator pa-ponapa, terros bisaos sè sèghoemen; sareng ramana èlantor bisaos, ma' tolok sè nangès, sopadjâ èlanga sompekka. Sareng Patientia ampon dijem, ramana pas marèksa kalabăn otja' manès, kasokanna sopadjă pottrana tor-matora sadjhârbăna: „Bhing, mara, na', kabălă der-bhender bhâi ka sèngko', pola bǎ'na apadhoe otja' so Eduard otabă pola băță hal laènna, la djhă' rep èrrep, mara djhărbăʼaghi ka sèngko', abălă'ǎ ka sapa polè, na', èbhoena bă'na la tadă' omorra."
Patientia: „Ghi' kasapanapan arèanna kaʼissa bădjâ lem-malem kaoelă adjăr-klèndjăr sareng Eduard è kebbhoen. Sabelloennèpon rama raboe, abăna ngotja', djha' terro apong-kamponga sareng kaoelâ."
„Marèna djhebbhing ngotja' bărămma?"
Patientia: „Ghăpanèka kaoelă kalèp, djhoeghǎ kaoelă ta tja' ngotja' kasar ka abă'na, kadhi ponapa sè dhăddhiâ, djhâ' rèng kaoelă sè odi' lantaran èangkès Eduard. Namong kaoelă ta' abălă terros terrang, karep kaoelă èngghi amargha abăʼna toronna orèng dhisa. Kadhi ponapa kaoelă sè ngotjaʼa: ijă otabă endja', sabelloenna narèma dhăboe dări rama."
