ghǎḍija, asaddjhǎ boeroeh, djhá' ghembhǎnè polè, pas tjanḍhak bhăi. Tan-tarètan, maḍḍhǎ sèkklak djhǎrǎnna!"
Ta' abit ḍoe-sarḍaḍoe ghǎpanèka pas paḍǎ njèkklak djhărǎnna bǎng-sèbǎng terros ètjongklang ḍǎ' tjora ghellǎ'; Southwold bǎḍǎ èḍǎ'-aḍǎ' kadhibi', dhǎddhi tokang todhoena djhălăn.
Katjatora Jakob ghi' pagghoen ngètek è bhoet-ombhoet, ta' kaḍhik aghoeliǎn. Sareng ḍoe-sarḍaḍoe ampon djhǎoe, Jakob pas mandjheng, mandheng padjhǎlǎnna ḍoe-sarḍǎḍoe ghellǎ'. Ta' abit ladjhoe ngala' tèngghǎrrǎ, sambi ngotja':
,,Salamet sèngko' ta' ngèbă păte', djhǎ' anoa kalana bǎḍă ḍoe-sarḍăḍoe rowa tanto oeng-ghǎoengan otabă sè res-ḍeressǎn. Eh, sapa sè ngèra'a, djhǎ' Southwold dhäddhiă rèng bǎrijă; abǎ'na matèana orèng sè mèjara bàn sè maratènè, sarta marosaka dhǎlemma orèng sè la tao aparèng ponḍhoeghăn ḍǎ'ka abǎ'na. Ma' băḍă orèng ta' anḍi' kaprotangan bǎrijă. Nangèng ḍoe bărǎmma'a polè, sabǎb la bǎrijă kabǎḍǎ'ǎnna alam dhoennja rèja: „Eberri' kembhăng, males taè”. Eh, asokkor kaoelǎ Ghoestè, sè ampon èghǎndjhǎr salamet eḍǎlem alas panèka." Saamponna marè kèr-pèkkèran sapanèka, Jakob pas palèman, bheḍḍhillǎ èsanḍǎngngaghi è bhǎoena.
Pekkèrra Jakob toro' djhǎlǎn: „Băddhinna Sang Radjhă lolos ! Pola sampèjan-dhǎlem mè' ngongsè èḍălem alas rėja? Mandhǎr ta' ngongsèa ḍǎ' Arnwood bhǎlǎka. Sèngko' bettjè' dhoeliǎ mator ḍǎ' Miss Judith bhǎi parkara otja'na rèng-orèng bhăngsat rowa. Apa bhǎ' nèngan artèna ma' pangradjǎna ḍoe-sarḍăḍoe rowa, ngotja': „Tan-tarètan, maḍḍhǎ sèkklak djharǎnna!"
Para maos manabi băḍă sè ghi ta' ngaghăli tegghessèpon otja' ghǎpanèka; artèèpon sapanèka: Mèlana bhălă-tantrana Parlemmèn, è bǎkto ghǎpanèka èsebbhoet „tarètan”, amarghǎ tja'èpon sabǎnnja’na orèng sè anot ka Parlemmèn, sadhǎdjǎna orèng paḍǎ bhisaos; sapanèka djhoeghǎn sadhǎdjǎna arta dhoennja (kasoghiǎn) kodhoe èbǎgi rata: Rèng-orèng panèka ta' poron, opama sė Ḍhǎḍḍhă' ghăḍhoeǎn arta bannja', sè Bǎroe sakonè'. Panḍǎ', ponapa tatèngkannèpon kodhoe padă. Rèng-orèng ghǎpanèka saklangkong bǎdjhi' ḍǎ' orèng sè atatolong dǎ' Sang Radjhǎ, sarengngan saklangkong bhengngės tabi'attėpon. Bhǎsa, sè ghi' djhăman dhimèn, èbhidhǎ'aghi sareng reng-orěng sè ter-pènter mongghoe atlas băbăna, è bǎkto ghǎpanèka èpapaḍǎ bhisaos.
Katjatora Cromwell, sè mabǎliǎ adhǎt parnata kadhi ḍhingènna
