awen.
tenpo suli li kama li weka. waso Ki li toki: "pona Sela o! sina lon seme a?"
toki ala li kama tan nasin ante. waso Ki li pilin ike. ken la pakala li kama tawa soweli pona ona. ona li wile alasa e soweli Sela. waso Ki li tawa lon nasin ante.
---
kon li tawa mute la waso Ki li ken ala kute e kalama mute. kasi li tawa mute lon kon.
"mu-muuu, mu-muuu" li kama tan waso pi tenpo mun.
kalama ni en pimeja li monsuta lili tawa waso Ki. taso ona o alasa e soweli Sela. waso Ki li toki tawa ma kasi pimeja la "soweli Sela o!"
waso mun li kalama: "mu-muuu, mu-muuu".
ike a! ijo li lanpan e len pi waso Ki! ona li pilin monsuta mute. pilin ona li tawa wawa lon sijelo. waso Ki li lukin anpa:
a. ale li pona. len ona li kama awen lon kiki kasi. waso Ki li pona e len, li tawa. ona li toki suli sin:
"soweliii Selaaa ooo!"
"mu-muuu, mu-muuu"
