This page has been validated.
Ini iyong sabi hadé sa Portugal,
An maliwanagon, bantog na si Don Juan,
Naganyaya nganí dakúlang muráway
Sa tawo na barongitan,
Sa palacio niyang mahal,
An sarong katongdan orog kahalangkaw.
Alágad, humáreng ominaliwayway,
Si Colón nagdulag sa mapanglilinglang,
Duman sa pacio na sablok na marhay;
Nagdalagan, lominayog sa pig-eerokan
Kaidto ni Isabel, na cristiánang banal,
Na iyong nagampon sa saíyang túnay.
