"Símo, Cristobal, muráway,
Corona na sagkod lámang,
Asin dakúlang pagngaran,
Idólot saimo kaining salaysay!
Ngápit sa panahón an magkaburúhay,
Manggilantas logod kan saímong ngaran.
"An dagá simo magómaw,
Sa kundiman nin pagmahal,
Bulanos na kasinangan,
Anó man na rimpos kaining Portugal,
An simóng pagtubod tolos, iharúbay,
Asin an horot mo, bangsiwat, dalísay.
"Siisay saimo an makakaárog,
Sa gúhit nin pálad, ay, mapahinónod,
Saímong linúpig an katakotákot
Na dahas kan dágat na makúring balod,
Asin an matalaw dumágat na sáyod,
Na síring man nganí saimong dinaog.
"!Tara, Almiranteng bangsiwat,
Nin púsong marígon, sa íwal maláad;
Sa saímong dásig na daing paglíat,
Ngunyan sakong binobugtak,
Sa lubos na pagkahérak,
Dangog, kutá pang banáyad.
"Ako ginhawa mong túnay,
Ika sakong irorokyaw,
Sa atúbang nganí sakúyang wagayway,
Virrey na may kanongdanan,
Nin mga torre sa ibabaw
Sakong ibubugtak an saímong ngaran,
Sa hádeng wagayway an nasusuratan."
