"Asin ika pusó lubos mapangahas,
Na símong malúpig kan dágat an dahás,
Kun an barongbarong naóngal mangirhat,
Mangiri, mamondó, mapungaw nabúhat?
Siisay mapusó, pomirit humampang
Sa kosog nin lipot kaiyan kagadanan,
Sa ongal nin doros nakakaharúkay,141
Sa kantil nábukas nin mamondong húkay?
"Anong nag-aada142 duman sa enotan,
Daing iba kundí iyan kagadanan,
Sa mabalod ngáni bagang kadagatan,
Titákot na gayo púsong baroknitan,
Mandiit-mandiit maitom nábuhat
Iyan barongbarong, asin an dumágat
Daing pakanoltol sa pagpapaláyag
Kan saiyang dahong, maráot na.
"Asin linolobong sa mga kaladman,
Saen nagtatagó riníbong halímaw.
"Kundi, !ay úgay man, hérak na banayad,
Ugay sa España, na makahehérak,
Kun harayong dagá ika naghahanap!
Anggot kan Aquilón tiponon kong háyag
Ongis na mabangis na tagó kan dágat . . .
Bago ka bumátay sa daplé143 na roná,
An saimong dahong bugtakan kong digmá,
Ako di maontok sagkod kang maratá;
Kun di ka iligtas nin diosnon na biayá. . .
"Hare ka pagtigmok, madáyang halimaw,"
Madaging na tíngog, simbag ni Cristóbal. . .
________
- 141 Nakakatanyog.
- 142 Nageexistir.
- 143 Dayuhan, taga ibang dagá.
