— 32 —
Asin tominanog
Su rompiente
Nin makosog,
Asin man su dahong
Baga daing tákot,
Sa kahababawan
Nagsakay padagos.
Nagmata si Colón, dahelán sa ribok
Kaitong rompiente, tolos tominindog,
Nakita su raot; yogtong guminásod
Mga tawohan nya tolos nagpangdólok;
Kasu sya makita, ay! nagkatarákot;
!Anong kaguluhan!... !anong mga tingog!...
!Anong karibukan! ... !malagong na tanog!
Dahong sumaen man, sadyang nadadangog!
Dahong nagpadagos duman sa habábaw,
Sa pakikibaka handá su kagabsan,
Nagboborongborong asin su iba man,
Baga sinda matang nangangatorogan.
Si Colon man sana, baga an dalogdog,
Sa tahaw nin banggi na makatatákot,
Pinahalangkaw na su saíyang tingog;
An saró na bote sa túbig ihólog,
Mapangyáring horon an ipinagboot
Kundi su sakayan madaleng tinagob,
Mga nagdudulag na makúring sópog;
Siya sana lámang an dai nin handal,
Daing ibang tagob, pagsarig mabansay;
Nakikipagbaka siya sa giráray,
Sadyang kikalaban iyán kagadanan.
Náging básang lamang pagmamalasakit,
Dónong daing lában makosog na túbig,
Sáyang sana lámang manúmang na pírit,
Sa panáleng tonyod baga baga linalásig,"
Kan makagagadan bósol na masákit;
Midbid na ni Colón an di kakayahan..
"Uya kami digdi!" ominaniningal,
Labis sa pagrokyaw sa sarong tagumpay,
Asin an hamodyong lubos na muráway.
- 128 Iniinfluer.
