— 31 —
Sa saiya na pagagi
Sa may dakúlang Cacique,
Magálang, mapagmahal,
Na iniho guminíaw;
Su Almirante nagísip,
Na su pagsongkó ibalik,
Igwa pa nin kalskip,
Pagmahal na dí maísip.
***
Banggi na nganí kaiyan,
Sa hingálong pangkagabsan,
Maghapon na kapagaalan
Bulanos na kapagalan
Sáyod na liningawan,
Nin madadásig mga parasakay,
Pinahubayang dalísay,
An sadiri nindang búhay.
***
Saró na hagbayon lámang,
An tominagal maglámay,
Kan moninong na magiram127
Makatlo inanyayahan,
Sa pagtórog na malínaw,
Saiyang pinagpalakaw,
Sa hiwas nin kadagatan,
Pangkat nin mga sakayan.
***
Sa katapusan linúpig
Kan pirot na masákit,
Pinahubáyá sa túbig
Itong sakayán na sadit;
Aliwalas na mapungaw . . .
!Mabangis na kapaladan,
Ipinamahalang túnay,
Kan Castilla su kadakulaan
Sa mga kamot na daing kabatiran.
- 127 Makatatákot.
