Madónong na ádal, maginhawang hangaw, Na minatúlahok nin gáweng mabansay, Bansá iitaas halangkaw na túkaw, Sa makasosolang natis na muráway. Dalimasang símuy malúhay na hoyop, Hihidyaw111small text lindong búrak na mahamot; Síring man an ádal, sa pantás na kamot, Pinapadakulá an tawo nanggayod.
Ada112Small text inaátang huli sa pagádal, Hingálong mabansay nin may kagadanan; Nin huli saiya¹¹³ nakikitang sabay An síning,114Small text an dónong sa dagá paglataw; Sa tawo nalikos nin mga tagumpay, Baga alitoktok búkid na halangkaw Minabulakbugak túbig na malínaw, Sa saíyang Bansá érok nin tiwásay.
Nabugtak nin trono madónong na ádal, Mga kaakían minatúbang bílang, Na minapahubyá mga kamalean, Pinapadakulá isip na bangsawan;115 Maráot na gawé wiwasak na pírit, Maitom na salá nangingibigkibig; Mailyas na bansá lubos na lilúpig; Halé sa gamuhod116 gigibong manalhik.117
Síring sa burabod nagtataong buhay Sa mga tinanom, sa katanayadan, Pinagpapabolos túbig na malínaw, Ginhawa tumao pagbaribi dánay
___________
- 111 Minaverde, minarayráhay.
- 112 Existencia, pagkabuhay.
- 113 Huli sa pagádal.
- 114 Arte.
- 115 Noble.
- 116 An diklom nin dai pakasábot.
- 117 Lider, o campeon.
