Page:Mga Rawitdawit Ni Jose Rizal.pdf/42

— 19 —

Asin ngunyan na sáyod,
Pírit akong itatápok.
Ako saén man itápok,
Nin kapagalan tagob,
Di na makakatoróhok
Sa gadung⁸⁰ na galanyog.⁸¹
Túbig mong bakong malábog,
Símong masanggáyang érok."
Kan ini ikagalahod,⁸²
Nagtangis, nagsiloksigok,
Su damit na mga mahal
Hinaralé nyang anan,
Dumán kaitong lalamban,
Na bulawan an kabágay.
Kasungani mahawanan
Bahanding⁸³ makagayonan,
Mamondó na binayaan
Mga darakúlang bídang,

Sa makuri na monínong,
Banggi na malipungawon,
Arabiano mamondoon,
Makúring nánok, maimbong.
Kasu daing nadadangog
Dumán kaito na lungsod,
Kundi su hinoyophoyop
Ninsi doros na malípot:

Rinilítay⁸⁴ su lansangan
Kaidto na kahadean,
Na garo na sarong olang,⁸⁵
Malungsi na bagang bangkay,
Pinarigos nin hinang;
Saen man namamatean;
Kun gayod minahagayhay,
Sa labis nyang kasakitan.

---

⁸⁰ Edificio.

⁸¹ Siring sa halangkawon na niyog.

⁸² Ikasabi.

⁸³ Alajas; joya.

⁸⁴ Iniribong.

⁸⁵ Desierto.