This page has been validated.
— 11 —
"Bantay!" an sinambit,
Mga áking mahal,
Sandátang madásig
Kan satong banwaan;
Potonging muráway
An satong España,
Sa dágat paglakbay,
Na bakong midbid nya.
Alintaná na bulanos,
Minaharayong padagos,
An banal na hoyop,
Malípot na doros;
Gabós nagoómaw
Sa banal na tíngog,
Gabós mamuráway,
Gáweng pagkamoot.
Banwa minagálang
Sa huri na baldit
Sa wagayway
Ni Magallanes,
An rumbo dara
Sa kadagatan,
An makúring doros,
Saen nagoóngal.
Diciembre 5, 1875.
