Page:Mga Rawitdawit Ni Jose Rizal.pdf/18

xvii

Labi; labi pa:

"Anó ta magtagolaylay,

kun iníhong Kapaladan,

nagaapod na dalisay

nin mahigpit na pagádal,

kun sadya na nagoóngal,

an bagyong kagiramgíram,

kun sa mga kaakían

totoong hinahagadan

kan filipinong banwaan?"

Sa likod nin nagkapirang tandá, na síring an lokás sa mga hinuwad na, dinadagitan su saiyang mansanang musa, bago ini pinahalé:

"Bago ka omaliwayway,

saimong sabiha lámang,

na sa tingog mong mahúsay,

nagsimbag sakong dalísay,

sa nagtatangis, kundiman,

sa nataong kasakitan,

sarong pagángat na túnay."

Madásig, mapangígot sa boot; an mapait na pakamaté dapit sa política, nakatuklas kan magkakanigong pa- mamantáag. An mapangagyat na áwit igwa nin kara- patdapat na katapusan sa duwang octava real; uya an saró kan mga iyán:

"Kundi madigdi ka, pasabong na banal,
sa pagínit liwat kan sakong alisngaw,
pagtubod kuyompos, barí an baládaw,
dahelán sa Bansá ako di magadán.
Itao mo sakó cítarang⁵⁷ mapungaw,
mamondó na áwit an dolos nasongaw
sa Bansá na sákit pagpahamis lámang,
talikalang dáging sa pagpaluya man."

Pagbagaybagayon na gayo an Sa Sakuya... asin an Húring Paáram, asin an nagbabasa maoyon samuyá na an duwang ining rawitdawit nagkakalaen na marhay sa daging, haros nagsisinarongatan; síring sa sinabi na nyamó, sa ikaduwa⁵⁸ daing iba kundi kamoninongan, kamayokodan, pagpahubayá sa kapaladan; daing mga kapanalean, daing mga pagsasagwé, haros dai nin anó man na hinanakit; pagoyon, mga tingog nin pagkamoot, paghúlit nin katiwasayan. Nagpoón an Paáram, síring sa kinaugalean, sa pagpahimantay⁵⁹ kan kagsúrat

---

⁵⁷ Instrumento musical.

⁵⁸ Sa Huring Paáaram.

⁵⁹ Pagpaaram.