iya ngalan wala ko mahibal-i, sa malaot nga palad, makasayod nga ang iya sinulatan ginliwat sa binalaybay kag ang gwa indi bagay sa iya kaisipan nga matahum nga iya ginpili, pasayluhon niya ako; kay kon imo itupad ang matahum sa malaw-ay, mahimo sila nga duha ka butang nga tama kaathag: ang matahum magatahum pa gid, kag ang malaway labi pa gid nga magalaw-ay.
Wala nakon mahamtang diri ang akon kaugalingon nga panghunahona, bisan ang kaugalingon ko nga patok, Iwas lamang sang gwa nga ikan-um sang bahin nga ikalima, nga kon ina maluyagan mo, sarang mo matipigan, kag kon indi, ikaw may katarungan sa pagtamay sina. (Hinatag ni P. Sanchez sa lanubo nga si Rizal ang lubad gikan sa unang’ sinulatan nga initalyanhon sa dinalayday nga kinatsila). Pagpaumod, bumalasa, kay isa lamang ako ka bata, kag ang binuhatan sang isa ka bata, sa masami, buhat nga pinayaon, nga wala sing butang nga mapuslanon nga takos matanyag: labot pa, kis-a gid lamang ako makakita sang palagwaon nga trahedya, kag ang isa lamang nga madumdoman ko nga akon nabasa amo ang iya ni Prometeo, nga sinulat ni Esquilo, nga Gresyanhon. Pasayluha ang akon kakahas, kon sa napulo’g apat ka tuig nangahas ako sa pagsulat kag magpakigsimpon sa dalaganganon nga teatro sang mga mamalaybay, mga manogpamulongpulong, mga mamaragtas kag mga manunolat: kag kon indi ninyo pag-ipaiway ang nagakaigo nga kaakig, dapat ninyo mahibal-an nga tama na nga silot ang akon nabaton, tungod sang akon kapakok.
Wala ko ina paghimoa nga itanyag sa tanan kag agud nga indi ako pagbadlungon, indi, sa baylo, sinulat ko ina agud matipigan sa madamo nga tinuig kag agud nga badlungon sang tanan nga maluyag sina magbadlong, kag sugot ako kay Horacio, nga nagsiling:
............................. Si quid tamen olim
- Scripseris, in Metti descendat judicis aures,
- Et patris, et nostras; nonumque prematur in annum,
- Membranis intus positis. Delere licebit
- Quod non edideris: nescit vox missa reverti.
- Membranis intus positis. Delere licebit
- Et patris, et nostras; nonumque prematur in annum,
