Page:Mga Binalaybay V.3.pdf/59

51

Kag ikaw, mainunungon

Nga anak pagbugtaw karon.

(Mabugtaw).

Kari ka; ako’ng pinakadto

Sang Langit, sa paglwas sa imo

Kay Satanas nga maluibon:

Ang Birhen sang Antipolo

Nian sang suba nagasiad;

Dayawa sa ambang’ nahalad,

Kay anak ka na n’ya’y dayon.

Sia, may kaawa naglwas sa imo,

Sa Impyernong’ mga kamot

Anak kang’ tuman kabuot

Kay kalipay ka iya dal-an.. .

Ang aupdanan mo maabot na,

Nga buot ka nilang’ makita:

Sa langit ako masaka

Paalam na, Leonido, paalam! (Madula).

LEONIDO. Paalam, tinuga nga maanyag,

Nga nag-abot sa akon pagtabang;

Bantayi kon mahamuokan

Ang anak subong sang lapsag.

KATAPUSAN NGA GWA

Si Leonido kag ang Kabataan, Ang Birhen maagi sa suba sa mga tion nga indi pa matapos ang pagluwa.

CANDIDO. A, Leonido, ikaw! amon napangita;

Ang Birhen nga Maria yari diri:

Kabatyag ka matam-is nga huni

Nga madunggan sa libong’ inambahan?

LEONIDO. O, huo, abyan ko! namasnahan nakon;

Akon man nakita nga gapakari.. .

Daw ano’ng mahipos nga mga kalipay

Nga ginabatyag ko sa kaugalingon!

Tilingubon naton aton mga tingog

Sa sini nga adlaw nga malilipayon;

Magyaob kita sa mahal nga Birhen. ..

Ano bala sa inyo, mga abyan nakon?...

TANAN. Huo! (Magwa ang Birhen nga nasanagan sang suga sang magnesyo ukon sang kilas.)