This page has been proofread.
- Ikaw ang ulihe nga palatyon
- Nga sa dambana nakon sunugon;
- Ikaw ang daga sang mga upod mo,
- Sa imo ko ipaupok ang huya nakon.
- Mga kalagl maunungon kong’ kaupod,
- Nga sa kalaot gaagum dugos sang
- kalipayan,
- Nga sa mapintas nga kasakitan
- Napatubo’ng dumot sa inyo kalag nalikop,
- Kari nga may kalipay sang away sa
- pagsugod!
- IKALIMA NGA BAHIN
- Naggwa ang guban sang mga yawa
- DULONGAN NGA PAGHAMBAL SANG MGA YAWA
- Sin-o nagtawag sa amon
- Nga may daku nga kaugot?
- Sin-o’ng nagapangayo
- Sang amon mga kagubot?
- Mabuhi ang kalibutan
- Nga sang kalayo puno,
- Nga ang kalipayan niya
- Ang malain kag tiku!
- Mapatay, mapatay yadto’ng
- Nagahupot sing kalubha,
- Nga sang Impyerno nga ini
- Nagahikot magguba!
- SATANAS
Kari kamong’ malipayon, - Sing maayo inyo dunggon;
- Ang akon gapanawag
- Nga tingog sa inyong’ tanan;
- Sa adlaw nga ining’ gadilag
- Ang ginhuptan tang’ paglaum
- Sa pagbalos sing matuyom
- Karon sarang na matuman.
- DULONGAN NGA PAGHAMBAL SANG MGA YAWA
- Mahal sa isang’ yawa
- Hari yang’ gamhanan,
- Ang iya nga sugo
- Amo’ng pagbulot-an;
- Sila masunod
}}
