Page:Mga Binalaybay V.3.pdf/52

44

Ang adlaw, mga bulak kag suba nga
   nagailig?... .
Sa tingog kong’ gatuga labing’
   makagagahum,
Sa kadaygan sang tubig tanan
   nagkalabun-ag
Ining’ mga pulo nga sad to niatahum;
Nga nasilakan sang pamanagbanag;
   Kag samtang sa simbahan ko sila
matuohon,
Sila nagpalasaka sang mga pangamuyo
Sa akon dambana, ginlwas ko sila’y
   makadamo
Sa gutom kag kahadlok, kamatayon.
   Ang mga kapatagan nagmulong-ay
Sing mga mahamot nga kalunhawan;
Naggulowa sa wala’y pangabudlay
Sa sadto mabugana nga putling’
   kadutaan,
Ang mga alanihon nga madalag;
Naglagaw sa mga kawayangan
Ang mga kanding nga naduagan,
Usang’ madalas kag bakang’ budakdak;
Ang mapisang’ putyokan
Nga naghimo sang pugad niya nga may
   kabuot,
Kag sa tawo nagdulot sing dugos nga
   matam-is;
Nagbalik ang uwak sa iya pulogaran,
Nga wala magpaabot
Sang masakit kag talamayong’ tistis;
Anay ining’ mauyang’ duta nag-agum
Sang isang’ panahon nga may karimis
Nga sa himaya niya sa Langit
   nakatupong;
Kag nawad-an sing kalipay karon,
Gabakho sa gahum sang dumoluong
Kag sa amat-amat sia napatay
Sa kamot sang Espana nga di
   matinuohon!
Apang, kon luyag niya akon sia nga
   ihilway