Page:Mga Binalaybay V.3.pdf/42

34

   DALA’NG kasanag, paubos ka,
Sang mga sining(3) kag mga agham(4) sa patag,
Kag pamatan-on, hubara
Ang talikalang’ mabug-at
Nga sa wani mong’ balaybayon nadapat.
----------
   SA danayng’(5) mainit mo taradon
Diin nagpuyo’ng kadulom, ang katsila
Sing masili nga purong
Sa pagdumalang’ may kaalam kag may kaawa
Naghatag sa anak sining’ indyanhong’ duta.
----------
   IKAWNG’ gasaka, gasapo
Sa kuyos sang aninaw mo nga bugana
Sa dalauda sang Olimpo
Balaybay nga labing’ maangga,
Sa dugos kag kuyom nga labing’ dagaya;
----------
   IKAW, sa langitnong’ tingog,
Ni Filomena(G) kaindis, nga matam-ison
Nga sa nanuhayng’ tunog
Sa maanta nga kagab-ihon
Nagkuha sa tawo sing balakhuon;
----------
   IKAW, sa batong’ dalipi
Gahatag kabuhi sa imo kabubut-on,
Kag panumdoman nga putli
Sang wani nga masilakon
Sa kamot mong’ gamhanan ginapadayon.
----------
   KAG ikaw, nga’ng nagkatuhay nga balani
Ni Pebong’ mahal ni Apeles nga balaan,
Kag lambong sang kinaugali,
Sa guhit nga katingalahan
Sa ahaw nga panapton dagmit mong’ naduagan.
----------
   PAGDALAGAN! kay ang dabdab nga balaan
Sang wani gahulat takdan ka’y purong,
Malanog sang kabantugan
Sa gapabansag nga budyong
Sa kasilong’ masangkad sang tawo ngalan.
________
(3)Sining — Arte
(4)Agham — Ciencia
(5)Danay — Region
(6)Filomena — Pispis sa kasisidmon.