Page:Mga Binalaybay V.3.pdf/40

32

Subong subang’ naglanas ang inyo nga dugo
Maawas sa kapatagan kag sa mga pisong,
Kag subong man sa duta sang Iberiang’ gabuskag
Nga sang arabyahanon mabugnaw nga lulobngan;
Kag sa away nga di niaisip, sa wala’y untat nga away
Sa mga dughan ninyo ang sundang ilubong
Sang bugalong’ katsila, kag yanang’ talamayon
Nga yab-ok imo usangon subong sawang’ malaot;
Kag sa tagdiutay-diutay ipaagaw ninyo’ng duta
Nga sang inyo dugo ginbunyagan pagpauya;
Mga babaeng’ maluya subong man mga anak
Mangin-ulipon sa ila masubong’ balakhuon;
Ipamutang uli sa banlas nga mapintas,
Luha nga mapait sa nadulang’ hidait
Inyo nga patuluon sa kaghang’ kahuloy-an
Isipon nyo’ng inadlaw sang inyo nga pagbalik.
Kag kamo may bugal nalipay sa kalaot
Linibong’ sakayan maaway sa ila kalubha,
Kag duta nga maanyag sa hidait gatulog
Mabangis magahamag nga wala pa raakita.
Paglupit! pagdalagan! lupad sing madali
Paatubanga sa inaway batid mong’ hangaway,
Kag matagsing nga budyong palanuga sa hangin
Sang tunog sa inaway, nga sa pagdaog gaganyat.
Magakurog ang duta sa madasig nga tiil
Sang raaabtik nga kabayo nga tumandok sa Arabia,
Sa pulang’ nagadabdab makintab nga inoglugom
Ang dugong’ di-langitnon sa espada mo mahugom.
Sa atubang sang Bulan tanda ko gapasili
Himoa nga sang Sang-an ipaampo’ng pamakod,
Kag dayon magbanaag nga mangin-madalag-on
Ang ginapakamaayo sang Koran pagsulondan.”
Siting niya; kag subong asong’ sa iya pagsaka
Sang hangin nga mabaskog sa gilayon panason,
Subong sining’ napala, nga dako’ng kakibot
Ang nahatag sa moros, sang aninong’ langitnon.
_______
8 sa disyembre, 1879.

----------