This page has been validated.
- “Sa imo, Cristobal, ang kahimayaan
- Kag dakung’ kabantugan, purong wa’y kamatayon
- Ikaw sang maragtas ginahalaran!
- Nagdangat ang ngalan mo nga halangdon
- Sa uliheng’ tinubo kag dira gapasilong.
- “Mapadungog sa imo ang kalibutan
- sa mga ambahan sa kalipay kag paghigugma
- Kag yana’ng tanan nga nahasakupan
- Karon sang Lusitania
- Galapnag sang bilidhon nimo nga kadungganan.
- “Sin-o’ng kasubong nimo nga but-anan,
- Mapailubon, wa’y langan, maluluy-on?
- Imo linutos ang kalahadlukan
- Nga bangis sang dagat nga mabaluron
- Kag ang sakayanon nga malubhaon kag talawan.
- “Bugayan ka, Almirante nga bantog,
- Maisog sa sumponganay kag mabakod sing dughan;
- Sa wala sing langan nimo nga kaisog
- Sing bugana ko ikaw ginadulotan
- Sing mga kastilyo subong man mga dungog.
- “Ako, ako’ng magapalipay sa imo
- Sa atubangan sang akon hayahay ta lawagon
- Isang’ Virrey (2) nga mapuslanon kaayo
- Kag sa mga tore: sa ibabaw nayon
- Ang ngalan mo ibutang sa hayahayng’ harianon.”
- Amo ini ang ginhambal sang gamhanan
- Sa banwang’ Portugal, si Don Juan nga halangdon.
_________
(1) Ini nga binalaybay sinulat ni Dr. Rizal sang sia Pangulo sang Akademya sa Kasulatan nga Kinatsila sa Ateneo Municipal de Manila, suno kay Dn. Mariano Ponce, nga ayhan indi magsayop sang 1877.
Ang Bibliyotekang’ Pungsudnon nagatipig sang tunay nga huwad sini nga sinulatan sa takos sang papel nga 21.6 sm x 34 sm sa 2 ka pamihak nga sinulat sang kamot.
Ang huwad nga nabalhag sini sarang makita sa pamihak 28 sang “Poesias de Rizal” ni Veyra.
(2) Virrey — Isa ka punoan sa isa ka pungsod nga naidalum sa Hari kag gintugyanan sang iya katungdanan.
