Page:Mga Binalaybay V.3.pdf/32

24

   Ini si Vicente Yanez nga nagpakamalaot
Sang likum nga rnalain sang iban pinatuga
Nagsugo sang tinawo sa iya nga pagbuot
Pag-apin kay Colon bilidhon ang kasidla;
Nian nga ang kabaluran lakas nagasulod
Sa buot na matugdang sakayan nga maluya. . . .
Kamatayong’ mapintas sa ila nagahamag
Samtang nga ang sakayan sa karon gabuloblag.
----------
   Si Colon sa kaugalingon
Naghimulat paglwas sa ila
Sa sakit nakita niya
Ang sakayan yang’ madula;
Bayaan indi ’ya luyag
Pumosngang’ may kasakitan
Daw karnerong’ nadulaan
Halalbon nga maduga.
----------
   Nian masubo yang’ natan-aw
Wa’y tawo yang’ sakayan. .. .
Gakasakit nga isa lang
Mahakit-an si Cristobal!....
Ang malulo yang’ panulok
Nagtiyog sa iya palibot
Sa sakit naghibubun-ot
Sa nadangatan, naghambal:
“Mahal nga sakayan, paalani;
Paalam, sa imong’ nagsiad sang mga kalalawran
Kutob sa Iberiang’ balaan
Sa linibong’ katalagman
May kaisog nagpakigsumpong
Pagtuman sang sugo nakon,
Ay! pahaganhagana ang akon kalisdanan!. . .
----------
   “Natan-aw ta daw ano kasubo
Kag ang salin nimo sa akon pagtulok
Sa kasakitan ako nagabakho!...
Subong nga’ng kapalaran nga malaot
Naglaglag sang imo nga kagayunan
Kag sadto ikaw man ayhan
Ang sakayan sang masadyang’ inadlaw
Nagapakita ka sang pagkaisganan,