Page:Mga Binalaybay V.3.pdf/29

21

Nga mga mapuslanon yang’ tinago gasagap,
Kag sa gugma sang kaayo dughan ya nagadabdab:
Kag isang’ pagtulon-an nga natapos kag bilidhon
Amo’ng matuodtuod sang kabuhi bulong.

   KAG subong sang dalipi nga bugalon gatindog
Sa tunga’ng mga lunlon nga daw sa ginaukay
Pagngurob sang unos, Habagat nga mabaskog,
Sa baled yang’ lakas kag mabangis gahikay,
Nga bumatyag kalapyo sa unang’ kadalas nila
Mahipos kag nahadlok nagailisol sila;
Subong man pagdumala sa maayong’ pagtulon-an
Nga indi malutos gauyat sang pungsod kagamhanan.
----------
   ANG mga binuhatan sa sapiro gutibon
Halaran sia sang banwa linibong’ kadungganan;
Sa dughan sang tinubo niyang’ mga bilidhon
Ang bugay nagtanum dagayang’ kabulakan;
Kag sa gugma sang maayo gapalaglag gihapon
Sang mga manggagahum kag katawhan makita
Nga sa banwang’ bilidhon nga tunay gatinguha
Kay Kristong’ pagtulon-an ginahatag dalayon.
----------
   KAG subong sang pula nga adlaw sa kaagahon
Sa guray nga masili sing bulawan gasabwag,
Kag subong banagbanag nga puno’y kagayon
Galapta sang dalisay niya nga mga duag;
Pagtulon-an amo man nga may bugal gatanyag
Sang bugay sang kalipay sa mga nagaluntad,
Kag yana sa mahal ta nga pungsod gapatin-ad
Kasiling’ dalayon kag kabansagan gahatag.

----------