Nga sa iya nagatuytoy kasanag nga masili; Tungod sa iya gahatag sang mahamot nga kaamyon Kag matam-is yang' bunga sia nagadulot sa aton. Wla'ng Pagtuluohan, Pagtulon-ang' tawhanon Sang sakayan katulad nga sang hangin nasumpong Sa lakas nga unos madula'ng bansalan Sa pag-ayag-ayag nga gahagunghong Sang mamadlos nga Amihan Nga may kabangis nagasumpong sa iya Tubtob nga malugdang sa bugal niya Sa idalum sang dagat nga ginagatdan.
KON sa tun-og sang langit Nagabaskog, galambo'ng mga kaumhan Kag sa iya, sa maanyag nga Tig-ilinit Sa pagpuni sa duta nagagwa'ng kabulakan; Kasubong man nga kon ginapabakod Ang Pagtulon-an Sang Pagtuluohan nga maluluy-on Sa mga Pagsulondan, Pakadto sa kaayuhan gatikang malipayon Sa tiil nga maalwan; Kag puno sing kaputli bugana'ng kabulakan Bisan diin nagalapta sang iya mga kaamyon. 19 sa Abril, 1876.
ANG maayong' pagtulon-an sing kabaskog gahatag Nagatanum sa tawo bugay nga makailila; Sa lingkurang' mataas sa banwa nagabatak Sa wala'y katubtoban, masili nga himaya,
(1) Sinulat ni Rizal ini nga binalaybay sang yara sia sa ikalima ka tuig sang batsilyerato, sang ina. sa Abril sang 1876. Nahauna nga naban- tala sa El Renacimiento, sa Manila, sang 2 sa Enero sang 1906; "natabo lamang nga ini nakita sa mga Talagoan sang Ateneo Municipal de Manila", suno sa amo nga pamantalaan. Sa sini nga binalaybay, si Retana nagasiling: "Wala sing kalulo su- bong sang iban nga mga sinulatan sang Tagsulat; apang bagay talupangdan ang iya kasanyog, nga indi gid mapatihan nga iya sang bumolutho nga napulo'g lima ka tuig." Nadula ang tunay nga huwad sini nga sinulatan sa Bibliyotekang' Pungsudnon sang panahon sang paglwas sang Manila sang 1945. Nabantala man ini sa: 1. Retana, Wenceslao E.: "Vida y Escritos," pp. 27-29. 2. Veyra, Jayme C. de: "Poesias de Rizal," pp. 19-20.
