Page:Mga Binalaybay V.3.pdf/25

17

  Mga bihag nga moros nga linutos
 Nga gaantos may mga talikala
 Kag sa sakit kag silot gakagha,
 Sa kalipay gindala kay Isabel.

  Subong hangawayng’ maisog nga maantuson
 Sa ila nagyaob ang Haring’ maluluy-on
 Kalipay dumanyag sa iya nawong
 Kay sa kalautan sila na’ng Iwas;
 Kag ang Hara sang limos nga madamo
 Nanagtag sa kamot nga maluluy-on;
 Yadto’ng Hara nga gihapon diwanhon
 Dapat sa iya’ng purong di mahukas.

  Kag sang moros nahadunggan
 Ang sa pandot hinublagay
 Kag ambahan nga masadya,
 Naghibi sa nadangatan,
 Sa nawala nga himaya,
 Sa kabikahang’ nahaya,
 Sa wa’y tulad nilang’ banwa.

   Ang masubo nilang’ nguyngoy
 Maandamon ila gintago,
 Maluhaong’ pangamuyo,
 Kag panaghoy nga binuang.
 Nahadlok nga kon madunggan
 Ang himaya madugangan
 Sang amo nga kadalag-an
 Nga sang sakit naglalang.

  Ang hayahay sang Espana na nian
     Sa kahitaasan,
 Gapaladpad sa mga pamakod
    Nga may kabakod
 Sang Granada nga sa karon nagbuot!
 Ang Katoliko na nga mga Hari
    Sang mga Sugong’ putli

  Mahatag kutob sa ila lingkuranan
  Nga nian manggaran
 Sa taga-Genil nga mga tumandok.
  Ang matuyom nga Alhambra sa karon
     Nga bugalon