Page:Mga Binalaybay V.3.pdf/19

11

DI malutos nga Elcano, amo ina,

nga’ng nagngurob nga mga balod

inanta sang iya paglawod

sa mga sakayan yang’ katsila.

----------

LINAKBAY niya sa kalibutan

ang kanipulon sing madalag-on,

kag sa kaisog nga dili pagdag-on

tinakos niya’ng kabilugan.

----------

ANG agtang mo may libong’ purong,

kusganan sang banwa nga katsila;

ang batomaidlak nga makailila

sa dahi mo may bugal natungtong.

----------

5 sa Disyembre, 1875.

ANG PAGKABIHAG KAG ANG PAGDAOG⁽¹⁾ ----------

NALAGLAG tanan nga puok sang Montilla

Ginhangkat sang bugalon nga Abencerraje

Maisog nga mga tinawo sang Castilla

Nga ginapahapay gatindog yang’ lawi.⁽²⁾

----------

NGA may puthaw sa iya butkon

Ang Konde De la Cabra nag-abot dayon

Subong kay Parkang’(3> nagpakita’y kahagnop

Sa maitum niyang’ pakpak sang kamatayon.

----------

NAGPADULONG subong sang leon nga mahakab,

Sa sakop sang lahi nga wala’y pagtuo;

Binuylogan sia ni Don Diego nga may luyag

Subong masili nga adlaw sa adlaw nga bag-o.

---

(1) Nahanungod ini sa inaway sa Lucena kag sa pagbilanggo kay Boabdil. Napetsahan sa Manila sang ika-3 sa Disyembre sang 1876, suno sa pasayod nga ginpatigayon kay Gg. R. R. Guerrero ni P. F. Sanchez.

Ang “Poesias de Rizal” ni Dn. Jayme C. de Veyra, pp. 10-11 may huwad sini nga sinulatan sang baganihan.

Ang tunay nga huwad sang sinulatan nadula sang pana'non sang paglwas.

(2) Nga ginapahapay gatindog yang’ lawi — Ang buot isiling: nga si Abencerraje, ang hangaway nga moros naghangkat sa mga Kristuhanon nga Katsila kon masarangan nila sia sa pagdaog.

(3) Parca — Diwata sang Kamatayon. Sa Hiligaynon ini amo ang “Makaptan” nga diwata man sang Kamatayon.