- SI CERVANTES SA ARGAMASILLA DE ALBA(1)
- Malinong ang gab-i nga may katawhayan,
- Sa langit ang bulan nagapanglagulad,
- Kag sa malang' Mancha nga may kabukiran,
- Sang silak sa patag sia nagapalapnag;
- Malinong nag-agi dupoyng' ganguyngoyan
- Sa may mga bulak, sang Abril tinanyag,
- Daw mahal nga dulot; sa mingaw nga tuman
- Naghipos ang pispis, nagkigas sang kalag.
- Sa amo'ng tion nag-agum duta'y katulugon,
- Nga dili mahamtang sang Kinaugali naangga,
- Kag daw ginpatulog apyan nga bulong
- Kalipay nalimtan niya kag ang kagha.
- Isang tawo lamang nga dili mationg
- Sang tuman kaluspad nga kaanyag naglantaw
- Sa luyo'ng salsalon nga siklat, kag subong
- Nalumos sa batyay nga mga kamingaw.
- Sang silak sang bulan, mahinhin yang' agtang
- Mahugmay nadigos, may bugal nabatak,
- Kag sa iya panulok mabaskog gapaang
- Kirab sang wani buhi, nagadabdab:
________________
(1) Sa sini nga matahum nga binalaybay, si Rizal nagapakita sang iya kalantip sa takos nga kinatsila kag sang iya mataas kag pinasahi nga balatyagon sa pagka-mamalaybay. Ginasaysay niya ang mga pagbatas ni Miguel de Cervantes Saavedra sa bilanggoan sang Argamasilla de Alba, ang iya mga handum sa kahilwayan sa pagtan-aw sang kalibutan sa lwas nga nagalabay sa atubangan sang iya mga mata nga iya ginalantaw sa mga rihas, ang paghilabot kag pagtabang sang diwatang' Silfa, ang matahum nga hambal nga iya sini ginapatuhoy kay Dn. Miguel de Cervantes Saavedra, nga sinambit ang mga butang sa mitolohiya kag sa maragtas, kag sa katapusan kon paano kay Don Miguel bumalik ang iya kalag nga nalipong kag nahimo nga isa ka gadya nga wala'y kamatayon nga tagsulat sang Don Quijote de la Mancha, ang Tawo nga may Masubo nga Dagway.
Ini nga binalaybay may kabilugan nga 295 ka dalan nga tinagpulo'gisa, tinagpulo'g duha, tinag-apat, salakot kag tinagwalo ka kunla, (sa tunay nga huwad sa kinatsila).
Ang Argamasilla de Alba isa ka diutay nga poblasyon sang Alcala de Henares, puok sang Ciudad Real, nga ang iya mga pumoluyo nga indi magkapin sa tatlo ka libo nagapanghimo sang mga argamasa ukon kinihad nga semento nga ginagamit sa pagpatindog sang balay. Dira maghalin ang ngalan nga Argamasilla de Alba.
