Page:Mga Binalaybay V.3.pdf/17

9

sa mamadlos nga huyop sang bagyo

naghatag masubong’ talangison;

amo si Urbiztondong’ dinalutos,

Ginsunod sang mga taliaway,

sa tanan naglapta’y kamatayon

nga sa kamot niya may salsaion.

----------

KAG subong sang leon sa mga talon

nagngurob, nagtuga sang kahadlok,

kon sia kakita sang iya kaunon

nga iya tukbon tapes mapatay;

kasubong sang hangaway nga bantog

may kabangis kag dakong’ pakugmat,

tumakas sa mga pamakod

nga makahas sila nagsalakay.

----------

KAG ang Leon sang mga Katsila

naakig, naghulag sang bungaybongay

kag matalum yang’ kuko ginhanda

sa pagtanum sa tanan sang kagha.

----------

WALO ka pamakod ang nag-alampo

sang mga taga-Jolo nga moros

sa mabangis nga daghob ni Marte

kag ni Urbiztondo sa pagsalakay.

----------

O! amo sila, bilidhon nga Espana,

Mga baganihan sa Lepanto,

amo sila yadto’ng sa Pavia

nga mga nangin-kilat sa inaway.

----------

GINLAMON, gin-abo sa kalayo

mga kastilyong’ mga palasyo

kag tanan nga yara sa Jolo,

sang aton sang ila pagsalakay.

----------

SI Mahumat nalagyo’y madasig,

Sultan nga wa’y Diwa kag mapintas,

kag ang mga isganan nga taliaway

sa Jolo nagsulod nga nag-amba.

----------

5 sa Disyembre, 1875.

----------