This page has been validated.
- Butang nga luyag nimo (nagatangla sa langit)
- Nga ginahalad nakon
- Ang kabuhi ko sa imo.
CLAUDIO. Luyag sang Diwa nimo
- Nga ikaw hilway kag maayo agud nga sa kay Jove
- Mahapos ka magtuman.
EUSTAQUIO. Sa among' paagi di luyag nga ako malwas.
- Di 'ya ina maluyagan.
CLAUDIO. Tungod sa ano nga indi?
EUSTAQUIO. Kay dili sia maluyag nga sa Iya pagtuluohan
- Kami magmalubhaon. O! Tito tulukon mo
- Ang hangaway mong' utod nga si Flavio nga sadto
- Akon ginsugid sa imo.
TITO. Mahal!... matam-is nga utod! (mahakos sia
- sa iya kag pinunggan sia ni Eustaquio).
EUSTAQUIO. Indi mo sia paghakson! Kaaway sia sang Dios naton!
TITO. Kailo man nga Flavio! Utod nga wala'y palad!
EUSTAQUIO. Tan-awa'ng kapintas mo, malubha nga anak! (sa kay Flavio)
- Dapat ikaw lisuon ni Tito sa iya buhat
- Kag sa nasayran nimong' nag-anta mga sapat.
- Tan-awon mo nga'ng Diwa sang kaakig nga lakas
- Mabangis nga mga leon amo'ng nagpahagop
- Pagpakilala sa imo nga Sia'ng labing' mataas.
- Nagsunod kang' may kaisog sa akon bilang taliaway
- Nga wala sing kahadlok bisan sa kamatayon...
- Nag-unong sa pagdaog sa inaway, nga nagtahod
- Sa nangulo'ng romanhon nga mga taliway
- Kag nagtuman sa tingog sang akon mga sugo.
