Page:Mga Binalaybay V.3.pdf/105

97

Gadaog lang sa iya ngalan, nga iya

ginapakita

Ang iya wa’y malutos nga agila kag hayahay.

Kay sa mga matalaw nga Partos nagahatag

Talamayong’ kahadlok kag sila gapalagyo.

CLAUDIO. Ano’ng imo ginhambal? Gaduhadoha ka

ayhan

Sang kaisog sang Kapitan sang aton mga

tropa?

Pangkuta sia kon bala sa ngalan ang

kasumpong

(nga ginatudlo si Flavio)

Gapalagyo ukon sa isog nga ila ginapakita.

FLAVIO. Kay Jove kag sa Halit nga magikan sa espada

Sang aton Heneral, dapat magmadalag-on

Yana’ng aton bansagon nga mga hayahay.

Nakita ko, Cornelio, sa pagtilaw nga batyay

Sa dulohaduhaan nga inaway ang romanhon

Labing’ makahuloya nga nagapalangluspad

Sa atubang sang mapintas nga mga

manunumpong.

Ang kinaadman sa away, ang kaisog kag

kusog

Amo ang nagasakdag sang kasidla sa inaway.

Wala’y maghunahona nga tawo nga mabuhi

Sa tunga’ng mabangis kag madugong’

inaway,

Kon magpuyong’ babaen-on sa maanyag

nga puloy-an.

CORNELIO. Ini ginapatihan ni Adriano, kag kay

Eustaquio

Yanang’ dungog madangat, nga sa lisod nga

tuman,

Ang mga katalagman kag kalapyo sa inaway,

Makahatag sa iya sing madamo nga padya.

FLAVIO. Ang tanan natungod sa kinaadman sa

inaway,

Sa di madaog nga butkon kag sa kusog

subong man

Sang Heneral nga maisog, nga sa mga

taliaway