kikab, steps tonodoms in golöp; e „echo päp!„ vögs löfik tel sevokoms togo. Otüpo cemayan pä- manifom e päkikom denu ko böset modik; hät pä- jedom su pledatabil e namategs in hät.
“Deli gudik!„ Arthur äsagom blefo al Mathilda e Klara, kels ikosgolofs ome foviko e fleniko, ab kels ästopofs süpito, ven ädalogofs das äbinom in vim badik. Us ästanom bifü fön, ko logod hitik e nams in poks, bösetöl ko kiks e mon omik, äs- lik söls dumons kösömo if binoms zunik. Klara ästanof nebü mot, e ko fined su mudil ofik äloge- gedof damatelami, lafiko kofudik, lafiko nulälik. Jipul smalit odunof ba odelo äslik om, e opledof: liko päp dunom, if binom zunik. Atos obinos co- gik, novo-li, reg jafa?
Mathilda no inolof balüdo, kelos äbinos kod nekotena omik; ab suno äsuemof, das flen u neflen sembal imekon omi zumik, e.... no asüfof, das äno- fon mateli ofik! Sikod jimatels valik no li-du- nofs so? — äfögetof foviko nekoteni okik, al tikön te len leglif omik. Ägolof ladliko al om, äseitof nami su jol omik e ko vög löfikün ofik äsäkof: “Kisi labol, flen oba?„ — E li-Arthur? Mans bi- noms ga binels neflenik. Äsif nam smalik u loged flenik no älaboms venudi nemödikün, Arthur äde- flekon oki e ästepom ko setps gletik da cem.
“Liko Eduard binom misalöfikel!„ äbeginom fino.
Eduard äbinom flen de Arthur, e jimatels yu- nik bofikas äkolkömofs okis sotimo in sog sembal.
“Büfü mul sagom obe, das cal plisenik oma lonedüpom omi, das desidom vobi dulöl, das vi- lom blüfön getön cäli lä dünalät obsik, das penu- nom, das us cäl ovedom luvelatiko vagik, e das lekonfidom das obinob plopükel omik Stupel kel binob, kisi dunob? Nitedü om visitob nezediko
