nu ve yagel, kel isävom kapi e lamis omik in sak e kel äfecenom oki denu ko klif.
Nilel älogedom zidi at, ko gün in nam e logod neledik, du äkinom töbo natemön; älogom, das ber pevunöl, na imekom zivegi lonedik, äsükom vegedi keli isukom ävendelo e kel ädugomöv omi nemedamiko äl om. Ämekom mali kluzifa, äkome- dom Godelani omik e äsuadom oki, das gün omik äbinom pelodöl. Ber äbinom fagik de om steps te luls; ägluvokom de dol e ästopom sotimo al bei- tön flani povunöl; täno ämogolom denu.
Änilom. Äbinom fagik steps te kils. Nog se- kuns tel e äjokomöv ta gün de François; ab süpi- to ästopom; äninnatemom ko böset mödik vieni, kel äkömom flanü pag, ägluvokom dledliko e äningolom denu pomagadi.
«Kautö, Guillaume! kautö!» äsevokom François, du äsukom beri e äfögetom valikosi al tikön te len flen omik; ibo äsuemom, das if Guillaume no ilabom timi al lodön dedu güni omik, äbinom pe- pölüdöl: ber idalogom omi. Büfo François imekom stepis bals, älilom luvoki. Äbinos luvok menik, luvok dleda e deilatlepa togo, luvok, plo kel näms valik pikonletoms al lenvokön yufi....
Täno nos, sägo plon nonik äsukom luvoki de Guillaume.
François änilom spidiküno; kliv vega älespidom goni omik. A segun änilom, ädistinom kleilikumo nimi legletik, kel ämufom in jad, du äditlidom kopi de Guillaume.
François äbinom fagik te steps fol, ab ber äbi- nom so vutik ta fanot omik, das no ijinom dalo- gön omi. No äkinom jutön, bi ädledom funön fle- ni omik, if at no äbinom ya pefunöl, ibo ädlemom sovemo, das no äbinom zeladik de jut omik. Äsu- tovom stoni e äjedom omi äl ber.
