— 50 —
Füd gudike alik,
Täno us i pubön dälob
In zälaklot obik.
LUSAG RINIK.
Yunel nätik, kel älöfom mödo lusagis, ämekom tävi ve Rin.
Du äbinom su stemabot bevü Köln e Aachen, ädalogom gledomi bäledik su bel geilik, ed äsäkom katane bota:
— No li-kanol sagön obe, va lusag sembal sibinom tefü bel at?
— Lusags mödumik, sägo!
— Li-vilol en konön obe bali?
— Viliküno. Telel pematapömetöl äbexänom vöno beli ataflano, e nevelo agekömom.
— Sülö! Kikod no?
— Edexänom denu votaflano.
OKASÜK.
— Li-olödol lanedadomi olik du hitatim at?
— No, nifatim lätik elabobs tuvati. Cems valik äbinoms petuvatöl, sikod, nitedü saun obik no kanob natiko lödön domi ayelo!
— E kludo li-binom nu vagik, e li-mütom lutön?
— Leno! eföködutob omi flene obik.
PÖLIGS GLETA
Lusag nidänik.
Soalel sanik nidänik äsiedom vöno bifü löd omik ed äplekom, ven mug smalik, kel imoslupom se rals de lapinlit, äfalom bifü futs omik.
Segun lon Goda, äpükom soalel, mütobs yufön
