This page has not been proofread.
In Tukakin La
- Kut, met ke Town Lelu, akkeye lalalfongi lasr ke sumwos lun met, ke sumwos, oana sie lun met mukul, a met mutan ke Town se inge. Kut suk in tukeni muta misla sie sin sie, a patok, a karungunang moul mwomwo lun met lasr u.
- Kut, met ke Town Lelu, lalalfongi mu an Lelu pa inguten oakwuk matu, a fasin lun an Kosrae. Oakwuk, sramsram matu a usru lun met we pa panang eneneya a insaneang su oasr sesr in tukeni akno tulokunyen Town Government se inge.
- Kut, met ke Town Lelu, lafekinkutla sifwana, yokna in karungunang katoien an sesr u, a oakwuk ke moul matu lasr su, yoklana sekoeya sesr.
- Kut, met ke Town Lelu, lalalfongi la pengana len kut fungyang nu ke mukuikui sikyak apnani mutunfal sesr u, a ke State lasr u, a oayepa pengana len oalana lun moul a oakwuk matu lasr u yokyokalik sekoeya sesr.
- Kut, met ke Town Lelu, lalalfongi mu lin Charter se inge kut suk in karungunang ma nukewa ma saoklana nu sin met u. Finsrak inge a ku in sun ke tukeni insese lasr in wi mokle government se kut oaki ke kewana finsrak a lalalfongi lun met ke Town Lelu.
- Kut, met ke Town Lelu, lalalfongi la ke karungunyuk mwo lun God, Town Lelu a akpayeye finsrak lal in karungin a akkapye moul a oulya lun met lal, oayepa in sruokya ku in pal e nukewa mu infuten oakwuk ke oiya matu lun Kosrae.
