This page has not been proofread.
LAS
ABANTUROS
D’UN
CAMPAGNARD A TOULOUSO.
1837.
D'aprèp tout ço qu'èy bist, la bilo de Toulouso,
Dins soun pitchou coumèrce, es bèlcop aboundouso ;
Le ritche y pot joui de toutis les plases,
Car tout counsiderat y manquo pas de res.
Cadun pot y trouba ço que fa soun delici ,
N'a qu'a fa sa coumando, es tout à soun serbici ;
Quand on a, per bounhur, d'argent dins lefalset,
Aqui Fon apazimo et la fam et la set.
La disètto , jamay, en fèt de nouyrituro,
Se fa pas pla senti chez Pouns-Bounabanturo ;
Se dins aquel hôtèl troubats pas ço que cal ,
Poudèts franchi la plaço et saouta chez Bidal ;
Malgre que sioy sourtit d'uno plato campagno,
Podi dire, al sigur, qu'es rhôtèl de coucagno.
