TOUT PROBO L'EXISTENCO DE DIOU,
STANCOS.
1836
Quand moun èl se passejo al dessus del nuatge,
Quand bey le firmomen teni sans cabirou,
Sans cintre et sans pillè, disi per ma rasou :
L'home n'a pas tirat le plan d'aquel oubratge.
Quand le brillant soulel dejouts aquelo bouto
Escampo en caminan de rajols de clartat,
Me fìguri qu’ensus digus n’es pas mountat
Per aluca soun foc et l’y moustra sa routo.
La rèyno de las nèyts, en tout tems enblancado,
M’appren, en esplandin sous rayouns argentats,
Que jamay les sappiens se soun pas ennartats
Per la fa lugreja jouts la capo estelado.
Tout m’estouno ayci-bas : la Mar, le Mount-Besubo ;
Ta prigound Ocean ! l’home t’a pas fourmat ;
Ni jouts tèrro tapaouc nou t’a pas enflamat,
Soufre que le boulcan lanço de soun estubo
