79
Saellana Goepennor marè marèksa mara kapprana ḍa' orèng atjabis, kabbhi ladjhoe èpakon todjoe' è korsè èseddhi'na singangsana.
Polo Geloebdoebderib anḍi' bhasa dhibi', nangèng Goepennorra pènter ḍa' bhasa Lapoeta, molana adhǎboe tjara Lapoeta ḍa' Gulliver, èpakon njarèta'aghi lalakonna è dhárăt băn è tasè sè ella kadjhǎlánan. Sopadjǎ katona djha' sè èrembhǎk djárèja bănné parkara paparènta'an, nor-dhoenor sè adjăgă èpakon ondhoer ḍări djǎdijă. Sanjatana Goepennor nèng adhoedhing bhai, nor-dhoenor pas ladjhoe mosna, akanța sè njèloman; èlangnga taḍa' rèng sè tao. Gulliver abǎk takerdjhǎt nangalè kanjata'anna sèhèrra Sang Rato otabă Goepennor djărèja.
Goepennor adhǎboe dă' Gulliver djha' aba'na ta' osa tako', sabab ta' kèra èpama-bărămma. Dhinèng rèng-orèng sè ngater robăna ella segghoet nangalè bhab sè mara djárèja, molana marem bhai pannengnga. Gulliver atèna noro' taremtem, sarta pas nerrossaghi sè atjarèta lalakonna. Nangèng saabiddhă atjarèta djărèja ghǎsèk ngas-bhǎlingasan ḍa' kennengnganna nor-dhoenor sè njèlom ghella', nangèng ella taḍa' katon sèttonga.
Bhǎreng Gulliver ella marè sè atjarèta, Goepennor ngadjhak ḍa' tamojja sopadjă padă'ă noro' salèrana aḍhă'ǎr. Tamojja kabbhi ijă padă mator sandhika. Goepennor adhoedhing, pas labang radjǎ dǎdoewǎ' neng è sala sèttongnga gheddhoengnga kamar aboekka' dhibi', moj-tamojja èghibă ḍă' sèttong kamar padha'ărăn sè bhă- ghoes rarengghä'ănna, ètengnga băḍă mèdjăna rateng kalaban dhadhǎ'ărănna, satjokoppa kaangghoej dǎ' salèrana moso moj-tamojja.
Goepennor băn tamojja alongghoe è korsè sakolèlèngnga medjă, kalaban ka-ngandhika sè njennengngaghi atè. Pakakassa dha'ǎr djárèja kabbhi paḍă ḍări salaka mornè. Sabbhăn saḍijă'ǎnna orèng. sorang masțè bădă ghellǎs tèngghoe' ḍări emmas, dhinèng ghellǎssa ḍări ènten goso'an. Buffet-ta èrengghå kalaban boeng-toboeng băddhǎna anggoer, ghi-tèngghi èkaghăbăj dări emmas băn salaka. Dhinèng chădha ărăn băn mènomanna ella satèmbhăng băn khăghoessa sarta larangnga arghăna pakakassa.
Saabiddhǎ aḍhă'ăr pangandhikana Goepennor bàn para tamojja boer-lèboer băn mabhoengkak atè, sè ngaladhinè băn ka'-ngangka' kabbhi para lalembhoet. Satèja Gulliver ella ta' patè tako' mara ghellǎ'na, sanaddjhăn kadhǎng kala ghi' băringbing boeloena kolè'na, dhoemèn ngangen parkara lalembhoet djărèja. Sè dhăddhi djandon saabiddhǎ aḍhă'ǎr, bab kabădḍ'ǎnna naghǎră Lapoeta. Etebbhǎk bi' tokang sèhèr, djhă' naghǎră Lapoeta saahèrra bhakal kaaloka. Bháreng pangladhin ella njadijǎ'aghi rèng pèrèng bhǎkal băḍdhǎna wǎ-boewǎ, Goepennor pas marèksa ḍa' tamojja ghån sèttong, wǎ'-boewǎ'ǎn apa sè èkareppaghi. Salèrana asangghoep mabǎḍă'ǎ wǎ'-boewǎ'ǎn sè ghi' bhoeroe èpolong sasennengnga tamoj. Bhǎreng kabbhi ella mator ro-terroanna băng-sèbăng, Goepennor ladjhoe
