ḍâri ḍâlem tana ongghoe. Sadjan abit sadjan kadjâ, kasa'na akanța pandjoerit satabellan adjhâr abhâris pasang dalem tana. Tana se ètongko'è Gulliver tagher, sanaddjhân tjeddhoe tada' angèn, nangèng Gulliver ngèḍing tjoewingan, karaksakan, ngaroso,
agâroeweng, akanța dhoennja sè kèjamata.
No'-mano' posang bher-abbherrăn, tor-taantor ka bato, monjèna tje' mellassaghina . Djârėja kabbhi nambâi tako'na atèna Gulliver. Abǎ'na ladjhoe ènga' dâ' lènḍhoe, sè talèbát ngèbâdhi, sè segghoet kalè ararosak băn matompes orèngnga na-tana èdjáḍijâ. Gulliver ladjhoe èntar da' labângnga rongkangnga. Pas apa sè ètangalè Gulliver?
Teppa' èattassa ghoenong sè neng ènga'tengnga'anna polo djârèja katon bâdâ okos tjelleng ngolboe' pas apentjar san kassannaghi. Langngè', sè saarè bhentèng bhersè, ladjhoe aobâ mèra towa , boelân sorem akanța ghără❜ă, tang-bintang pellaj kakabbhi. Okos sè tjelleng ghella' sadjan alatlat. Gulliver ladjhoe èkepkeppè petteng alèmonan. Nalèka djârèja seppè taḍâ' kasa'na pa-apa sakalė. Nangèng èdjhâoena èkaèḍing sowarana ghaloedhoek aghâroedoe', sabhoemè alam mara sè ondhek.
Okos sè tjelleng èattasanna ghoenong djârèja ladjhoe apettja, kalowar to-lato aèboeăn, ngolboe' nantja' kaattas, ladjhoe petteng polè. È bǎkto djărèja bhoemè aghoendhek akanța parao ètjapo' angèn salaboeng, dhinèng èdjhâoena èkaèḍing sowara aghăroedoe' sowaran, akanța ghoemo' bato sè robbhoe pas leddjhår. Ghǎloe dhoegghǎ atamba kerrep sarta atambǎ kadjă, pas patang kadjhed dhoer akanța marèjem saèboe sè amonjè abbareng. Bădă okos kandhel ngolboe' polè tana sè ètèddhǎ' Gulliver aghoenḍhek tagher, ladjhoe seppè sakalèan polè, kabbhi meddhet masè ta' anjabâ. Okos ghella' ladjhoe bhengka , kalowar apoj agoelap akanța apojja ghoenong. Saantèrona polo mara sè katonon. Okos pas atjampo polè, pas petteng alèmonan abâli njapo'è alam. Pas bădă kadjâ polè. Gulliver aḍânga ngabǎs dă' sowara djheddhoeran kontjo'na ghoenong. Dâri djâdija kalowar okos kandhel mara tarèboeng radjana, sarta apèngghir apoj; tarèboeng djârèja ladjhoe leddhoe', kalowar apoj lat-djhilâdhân.
Sowarana sè èkaèḍing salang padjhågghoer taḍă' amboena, ella ta ' kennèng ètjarèta'aghi . Monjèna marèjem saèboe mon èghåndhing bi' djârèja akanța monjèna ghența ghoepek. Saantèrona polo doe'- keldoe'ân, aboe marong ngalambăk neng è saantèrona lambhoengnga ghoenong.
Kabâna ghoenong pas tèra' sakalean, tjahjâna solap ta' kennèng èabas mata. Dări kabă djărèja pas kalowar andhǎroe tje radjăna, masè kalowar dări poserra bhoemè, ngolboe' tjè' tèng ghina para' napa'a da' langngè'. Robâna kontjo'na ghoenong djărèja masè atjora ' djăḍi radjă possa ' aèssè lebbhoerån bessè marong .
